7:168  comme  roseaux  agitez  a  tous  ventz,  prenons  racine  [page  45]  en  nostre  Seigneur  Iesus:  a  fin  que  nous  ne  soyons  comme  petis  enfans,  estans  exposez  a  toutes  deceptions,  croissons  et  confermons  nous  en  luy.  Ie  dis  en  nostre  Seigneur  Iesus,  tel  qu'il  a  este  demonstre  de  loing  par  les  Prophetes,  et  nous  est  pleinement  exprime  en  l'Evangile.  Que  s'il  y  en  a  d'aucuns  qui  ayent  desia  este  seduictz  par  legierete,  qu'ilz  ne  se  plaisent  pas  en  leur  mal:  qu'ilz  ne  s'endurcissent  point  contre  Dieu:  qu'ilz  ne  bouschent  point  leurs  oreilles  aux  sainctes  admonitions  qu'ilz  pourront  icy  voir:  1)  qu'ilz  ne  s'enyvrent  point  a  leur  escient,  pour  ne  plus  savoir  rien  iuger:  que  ilz  n'abrutissent  pas  du  tout  leurs  consciences,  lesquelles  sont  desia  endormies:  mais  qu'ilz  se  laissent  resveiller  par  celuy  qui  est  le  Soleil  de  iustice,  lequel  est  venu  au  monde  pour  nous  esclairer.  Que  tous  ensemble  ayent  la  patience  de  bien  noter  les  advertissemens  que  ie  bailleray:  a  fin  qu'ilz  leur  soyent  pour  marques  a  les  adviser,  a  ce  qu'ilz  ne  soyent  point  surprins  par  imprudence.  Car  [page  46]  i'ay  bonne  esperance  au  plaisir  do  Dieu,  de  peindre  si  bien  au  vif  eee  monstres,  que  chacun  les  pourra  appercevoir  de  loing  pour  s'en  donner  garde.  CHAPITRE  VII.  Du  langage  et  style  de  parler  qu'ont,  les  Quintinistes.  Premierement,  comme  les  gueux  de  Phostiere,2)  qu'on  appelle  ont  un  gergon  a  part,  qui  n'est  entendu  que  de  leur  confrairie:  tellement  qu'ilz  trahiroyent  un  homme  parlans  en  sa  presence,  sans  qu'il  s'en  apperceust:  aussi  les  Quintinistes  ont  une  langue  sauvaige,  en  laquelle  ilz  gasouillent  tellement  qu'on  n'y  entend  quasi  non  plus  qu'au  chant  des  oiseaux.  Non  pas  qu'ilz  n'usent  des  motz  communs  qu'ont  les  autres:  mais  ilz  en  deguisent  tellement  la  signification,  que  iamais  on  ne  sait  quelle  est  le  subiect  de  la  matiere  dont  ilz  parlent,  ne  que  c'est  qu'ilz  veulent  affermer  ou  nier.  Or  est  il  vray  qu'ilz  font  cela  par  malice:  a  fin  de  surprendre  les  simples  par  trahison  [page  47]  et  en  cachette.  Car  iamais  ilz  ne  revelent  les  mysteres  d'abominations,  qui  sent  cachez  dessoubz,  sinon  a  ceux  qui  desia  sont  du  serment.  Ce  pendant  qu'ilz  tienent  encor  un  homme  comme  novice,  ilz  le  laissent  bailler  et  transir  la  bouche  ouverte  sans  intelligence  aucune.  1)  Toutes  les  editions  francciises  ont  ici  voir.  Lisez:  oir  (quas  audituri  sunt).  2)  circulatores  aliique  errones  quales  sunt  qui  ex  Bohemia  profecti  per  totum  fere  orbem  vagantur,  caeterique  eius  farinae  homines,  Voyez  notre  note  ci-dessus  page  53.