55:168  quae  saeculis  omnibus  enituit,  fidei  esse  opus:  quod  maior  sit  nostra  imbecillitas  quam  ut  malis  superandis  simus  idonei,  nisi  nos  fides  sustineat.  Atque  hinc  colligimus,  quicunque  vere  Deo  fidunt,  virtute,  qua  oportet,  instructos  esse  ad  resistendum,  quibuscunque  ipsos  modis  impetat  Satan:  ac  praesertim  ferendis  malis  nunquam  nobis  patientiam  defore,  si  adsit  fides.  Proinde  infidelitatis  nos  convinci  ubi  in  persequutionibus  et  cruce  deficimus.  Eadem  enim  hodie  est  fidei  natura  quae  olim  apparuit  in  sanctis  patribus,  quos  hic  apostolus  commemorat.  Quare  si  eorum  imitaremur  fidem,  nunquam  ita  turpiter  ob  ignaviam  concideremus.  In  verbo  eiujjtrcavicibjaav  sequutus  sum  Erasmum:  tametsi  alii  interpretantur  carceratos  fuisse.  Sed  hoc  (meo  iudicio)  simplicius,  quod  distracti  fuerint,  quemadmodum  corium  in  tympano  distenditur.  Quod  dicit  fuisse  tentatos,  videtur  esse  superfluum  :  nec  dubito  quin  similitudo  duarum  vocum  ercpfaihqaav  et  erceipaa-  ihjaav,  in  causa  fuerit  ut  secunda  male  ab  imperito  quopiam  lectore  addita,  paulatim  obrepserit  in  textum:  sicuti  etiam  Erasmus  divinat.  Per  ovillas  et  caprinas  pelles,  non  tam  puto  designari  tentoria  quae  ex  pellibus  coniiciebantur,  quam  viles  et  asperos  piorum  amictus,  quibus  induebantur  quum  in  deserta  fugerent.  Tametsi  autem  lapidatum  fuisse  Ieremiam  tradunt,  Esaiam  vero  dissectum,  et  sacra  historia  narrat,  Eliam,  Elisaeum  atque  alios  prophetas  in  montibus  et  speluncis  oberrasse:  non  tamen  dubito  quin  saevas  illas  persequutiones  designet,  quibus  grassatus  est  Antiochus  in  populum  Dei,  et  quae  postea  sequutae  sunt.  Non  amplexi  redemptionem.  Aptissime  loquitur:  brevem  enim  huius  vitae  usuram  eos  redimere  oportuisset,  Deum  abnegando.  Fuisset  autem  hoc  nimis  indignum  pretium.  Ergo  ut  perpetuo  in  coelis  viverent,  vitam  in  terra  repudiarunt  quae  tanti  illis  constitisset:  nempe  abnegatione  Dei,  ut  diximus,  suaeque  vocationis  desertione.  Audimus  autem  quid  Christus  dicat:  si  animas  nostras  servare  cupimus  in  hoc  mundo,  nos  in  perpetuum  eas  perdere.  Proinde  si  verus  futurae  resurrectionis  amor  sedem  in  cordibus  nostris  occupat:  facile  nos  ad  mortis  contemptum  adducet.  Et  sane  non  aliter  vivendum  est  quam  ut  Deo  vivamus:  simul  atque  Deo  vivere  non  licet,  libenter  aut  non  aegre  mors  nobis  oppetenda  est.  Porro  hac  sententia  confirmat  apostolus  quod  dixit,  sanctos  fide  superasse  omnia  tormenta:  nisi  enim  spe  beatae  resurrectionis  retenti  fuissent  eorum  animi,  statim  collapsi  fuissent.  Hinc  praeterea  colligenda  est  utilis  exhortatio,  qua  nos  in  rebus  adversis  muniamus.  Neque  enim  recusandum  est  ut  Dominus  tot  sanctis  hominibus  nos  aggreget,  quos  scimus  tot  miseriis  fuisse  exercitatos  et  vexatos.  Neque  vero  hic  nobis  paucorum  hominum  miseriae  narrantur,  sed  communes  ec-