51:168  autem  in  Christo  Iesu  vos,  qui  quondam  eratis  procul,  facti  estis  propinqui  per  Christi  sanguinem.  l  l  .  Quamobrem  memores  estote.  Semper  ad  hypothesin  descendit,  ut  digito  rem  indicet  ac  pressius  urgeat.  Iubet  enim  iterum  Ephesios  recordari  quales  fuerint  ante  vocationem.  Haec  consideratio  illis  ob  oculos  ponebat  quam  nulla  sibi  esset  superbiendi  causa.  Postea  ostendit  modum  reconciliationis  :  ut  solo  Christo  contenti,  non  putent  aliis  subsidiis  se  indigere.  Haec  primi  membri  summa  est,  memineritis,  quo  tempore  eratis  incircumcisi,  vos  etiam  a  Christo,  a  spe  salutis,  ab  ecclesia  et  regno  Dei  fuisse  alienos:  ita  ut  nihil  esset  vobis  cum  Deo  commercii.  Secundi  vero:  nunc  in  Christum  .insiti,  simul  Deo  reconciliati  estis.  Quid  valeret  ac  in  eorum  animis  efficeret  eiusmodi  recordatio,  superius  dictum  est.  Gentes  in  carne.  Primum  commemorat,  ipsos  caruisse  populi  Dei  insignibus.  Nam  circumcisio  symbolum  erat,  quo  insigniebatur  populus  Dei,  ut  discerneretur  ab  aliis.  Praeputium  autem  profani  hominis  indicium  erat.  Quum  ergo  Deus  sacramenta  gratiis  suis  adiungere  soleat:  ex  eo  quod  sacramento  privati  erant,  colligit  neque  gratiae  ipsos  fuisse  participes.  Non  est  quidem  perpetuum  argumentum:  valet  tamen,  quantum  ad  ordinariam  Dei  dispensationem.  Unde  illud  :  Eiiciatur  Adam,  ne  forte  gustet  de  arbore  vitae  ac  vivat.  Certe  etiamsi  totam  arborem  vorasset,  non  recuperasset  tamen  ex  solo  esu  vitam.  Verum  Dominus  per  signi  privationem  illi  rem  quoque  auferebat.  Ita  hic  Paulus  praeputium  obiicit  Ephesiis,  tanquam  pollutionis  signum.  Sanctificationis  symbolum  illis  tollit,  ut  rem  quoque  significatam  adimat.  Falluntur  ergo  qui  putant  haec  omnia  in  contemptum  externae  circumcisionis  dici.  Quamquam  simul  fateor,  adiectum  esse  epithetum  in  carne  manufacta,  ut  indicaret  esse  duplicem  circumcisionem:  atque  ita  retunderet  Iudaeorum  gloriam,  qui  literali  circumcisione  frustra  superbiunt:  Ephesios  autem  omni  scrupulo  eximeret,  quum  eam  habere  se  agnoscerent  quae  erat  praecipua,  imo  quae  erat  tota  externi  signi  veritas.  Praeputium  ergo  in  carne  vocat,  quia  in  corpore  suo  gestarent  pollutionis  suae  signum  :  interea  tamen  subindicat,  eis  nihil  nunc  obesse  praeputium,  quia  spiritualiter  a  Christo  sint  circumcisi.  Potest  hoc  coniunctim  legi:  in  carne  manufacta:  vel  divisim,  ut  carnalem  vocet  primum,  deinde  factam  hominum  manu.  Circumcisionem  porro  eiusmodi  opponit  circumcisioni  spiritus,  quae  fit  in  corde,  quam  Coloss.  2,  l  l  appellat  circumcisionem  Christi.  Ab  ea  quae  vocatur.  Circumcisio  posset  hic  esse  nomen  collectivum,  pro  ipsis  Iudaeis:  vel  proprie  accipi  pro  ipsa  re:  et  tunc  sensus  esset,  ideo