20:168  Recte  habet  tota  nostra  schola,  si  Calvinus  noster  melius  valeret,  quem  perpetui  et  varii  morbi  exercent.  De  me  ^privatim  hoc  tibi  significandum  putavi:  JPoltrotus  ille  Tvqavvoxjovoc  me  et  in  ipsa  causae  cognitione,  et  in  medio  supplicio  centies  liberavit  ab  omni  Guisianae  caedis  suspicione.  Pergunt  tamen  Guisiani,  et  mihi  significatur,  duos  percussores  accepta  etiam  ampla  pecunia  in  meum  caput  esse  subornatos.  Ego  Dei  gratia  nec  praesentes  illos  metui,  nec  absentes  metuo.  Sed  me  totum  illi  committo  in  cuius  manu  sunt  dies  mei.  Genevae  octava  Octobris.  Tuus  Beza.  4034.  CALVINUS  BULLINGERO.  Queritur  de  Bernensibus  et  Turicensibus  qui  minus  quam  deceret  ancipitem  statum  rerum  et  discrimen  in  quo  posita  est  Geneva  respicere  videntur.  (Ex  Cod.  Genev.  107a,  fol.  275,  coll.  c.  Oo  108,  fol.  154  v.  et  Simleri  Vol.  108  ex  Bern.  VI.  1127.)  S.  Quoniam  Beza  noster  scripturum  se  recepit,  *)  ne  eadem  repetendo  frustra  aures  tibi  obtundam,  venerande  frater,  a  rebus  Gallicis  nunc  supersedebo.  Hic  non  parum  angimur,2)  dum  videmus  urbem  nostram  quasi  tabulatum  vel  alveolum  esse  in  quo  alea  luditur.  Subinde  rogati  fuerunt  vicini  ut  suo  nos  consilio  gubernarent.  Aliquando  parce  et  frigide  scripserunt  quid  esset  agitatum,  neque  tamen  quidquam  nisi  quod  ex  vulgari  rumore  omnibus  compertum  est.  Nuper,  quum  scirent  venturos  in  urbem  suam  legatos,  ne  verbo  quidem  indicarunt  quid  a  nostris  agendum  censerent.  Senatus  autem  actionibus  ignotis  se  palam  interponere  vel  potius  opponere  ausus  non  est.  Huius  silentii  praetextu  abusi  sunt  quibus  placebat  cum  Sabaudo  transigere,  iactaruntque  clanculum  nos  aliquid  moliri  et  legatos  habere  in  aula  Gallica  qui  ex  rerum  eventu  paciscerentur.  Hac  falsa  invidia  apud  imperitos  gravati  curae  non  fuimus  ut  decebat.  Nec  vero  miror  repertos  esse  in  plebe  illa  qui  ficta  calumnia  a  nobis  alienarentur.  Sed  tibi  quomodo  in  mentem  4033.1)  Baum  IL  714.  4034.1)  vide  praecedentem.  2)  N.  4029.