9:167  167  ULTIMA  ADMONITIO  168  Christi,  ut  salva  maneat  humanae  naturae  veritas.  Cuius  doctrinae  quum  Deum  nobis  esse  autorem  multis  scripturae  testimoniis  nostri  ostenderint,  Augustinum  etiam  pro  se  stare  monstrarunt.  Hoc  praesidio  quum  nos  spoliare  Westphalo  sit  propositum,  quia  sentit  paulo  plus  sibi  esse  negotii  quam  vellet,  prolixe  disputat  in  mysteriis  fidei  nec  rationi  humanae,  nec  physicis  argumentis  standum  esse.  Ego  ut  hoc  totum  concedam,  nego  hoc  argumentum  a  philosophia  peti:  sed  a  coelestibus  Dei  oraculis.  Passim  docet  scriptura  exspectandum  esse  nobis  e  coelo  Christum,  unde  adveniet  redemptor.  Nec  obscura  est  Pauli  doctrina,  imaginem  et  exemplar  futurae  redemptionis  in  Christi  persona  exstare:  quia  contemptibile  corpus  nostrum  configurabit  corpori  suo  glorioso.  Quare  facessat  futile  hoc  effugium,  philosophiam  nobis  fidei  magistram  non  esse  :  quando  de  carnis  nostrae  veritate  nihil  afferimus,  nisi  quod  [pag.  78]  ab  ipso  summo  et  unico  doctore  proditum  est.  Caeterum  quod  huius  loci  proprium  est,  audiant  lectores  quam  probe  Augustinum  nobis  extorqueat  Westphalus.  Dicit  sanctus  ille  doctor,  praeter  naturam  Christum  ad  discipulos  ingressum  esse  clausis  ianuis,  sicuti  praeter  naturam  super  aquas  incessit  :  quia  omnia  possibilia  sunt  Deo.  Verum  si  Christus  divina  sua  virtute  fores  clausas  miraculo  patefecit,  an  ideo  sequetur  corpus  eius  esse  immensum?  Sed  Augustinus  rationem  hic  requiri  vetat  ubi  regnare  debet  fides  :  nempe  ut  certo  credamus,  quod  testatus  est  evangelista,  nullis  obstaculis  fuisse  prohibitum  Dei  filium,  quominus  incredibile  illud  virtutis  suae  specimen  ederet.  Itaque  stolide  hic  exsultat  Westphalus,  theologicam  demonstrationem  appellans  quod  falso  cum  suis  de  omnipotentia  Dei  obtendit.  Neque  enim  nostris  figmentis  obnoxius  est  Deus,  ut  quidquid  imaginamur  impleat,  sed  coniungi  [pag.  79]  debet  eius  potentia  cum  beneplacito.  Sicuti  etiam  admonet  propheta:  Deus  noster  in  coelo  quaecunque  voluit,  fecit.  Satis  patefacta  est  huius  voluntas,  inquit  Westphalus,  coenae  ordinatione.  Haec  vero  est  petitio  principii.  Quo  enim  iure  obtinuit,  Christum  panem  sacrum  porrigendo,  naturam  corporis  sui  mutasse  ut  immensum  esset?  imo  idem  corpus  eodem  momento  duplex  fecisse,  ut  uno  in  loco  visibile  esset,  in  altero  invisibile,  immensum,  et  suis  dimensionibus  finitum  ?  Ecce  in  prima  coena  conspicitur  Christus  in  carne  sua:  naturae  humanae  modum  retinet.  Tunc  autem,  si  Westphalo  creditur,  idem  corpus  gestabat  manibus  suis  invisibile  et  immensum.  Quod  si  in  coenae  miraculo  documentum  huius  Dei  potentiae  videbat  Augustinus,  cur  nusquam  verbo  uno  admonuit,  praeter  naturam  latere  in  pane  invisibile  Christi  corpus,  coelum  et  terram  implere,  integrum  esse  millies  in  mille  locis:  [pag.  80]  quia  nihil  Deo  sit  impossibile.  Ergo  quod  recitat,  in  miraculis  quae  captum  humanae