7:167  167  CONTRE  LA  SJECTE  168  superstitions  de  l'Antechrist,  ilz  n'y  gaigneront  rien,  d'autant  qu'il  n'y  a  nul  moyen  d'exterminer  toutes  meschantes  sectes  et  heresies,  qu'en  donnant  lieu  a  la  pure  verite  de  Dieu,  laquelle  est  la  clarte  unique  pour  deschasser  les  tenebres.  Comme  de  vray  on  en  voit  l'experience.  CHAPITRE  VI.  Des  remedes  pour  ne  point  tomber  aux  erreurs  des  Libertins:  ou  pour  s'en  retirer,  si  quelqu'un  j  estoit  ia  tombe.  Puis  que  nostre  Seigneur  a  promis  de  se  manifester  a  ceux  qui  le  chercheront  en  crainte  et  humilite:  si  nous  desirons  de  venir  a  luy,  tenons  ce  chemin.  C'est  que  nous  mettions  peine  [page  43]  do  le  congnoistre  en  nostre  Seigneur  Iesus:  ne  presumant  point  de  monter  si  haut  par  nostre  entendement,  mais  le  priant  de  nous  rendre  capables  de  profiter  en  sa  doctrine:  ce  que  nous  ne  pouvons  faire,  que  nous  n'ayons  renonce  a  ceste  outrecuidance,  de  vouloir  estre  sages  outre  mesure.  Que  nous  ne  desirions  sinon  de  congnoistre  un  seul  Dieu  en  nostre  Seigneur  Iesus,  et  ne  pretendions  a  autre  but:  comme  a  la  verite,  Dieu  ne  nous  apprend  autre  science  par  sa  parolle.  Que  nous  n'ayons  point  un  esprit  si  difficile  a  contenter,  ou  des  oreilles  si  delicatos  que  de  ne  point  acquiescer  a  ceste  simple  et  pure  verite,  en  laquelle  les  thresors  infinis  de  Dieu  sont  enclos.  Que  nous  ne  profanions  point  la  parolle  de  Dieu,  la  convertissant  en  une  science  vaine  et  infructueuse,  ou  la  tournant  en  autre  usaige  que  a  edification.  Que  nous  ne  la  recevions  point  en  vain,  mesprisant  tant  les  menaces  qui  nous  y  sont  faictes  du  iugement  de  Dieu,  que  sa  [page  i  a]  grace  qui  nous  y  est  presentee.  Brief  sachons  a  quelle  fin  c'est  que  l'Evangile  nous  est  donne,  et  recevons  le  comme  Dieu  le  veut.  Regardons  quelle  disposition  doit  estre  en  nous,  et  prions  Dieu  qu'il  nous  y  forme.  Alors  ne  craignons  point  que  nulz  heretiques  ayent  le  pouvoir  de  nous  crever  les  yeux,  pour  nous  destourner  de  Dieu.  Mais  surtout  ne  craignons  pas  qu'il  nous  delaisse  tant,  que  de  trebucher  en  l'abysme  de  ceste  secte  bestiale  des  Libertins.  Ceste  admonition  s'addresse  a  tous.  Nostre  Seigneur  par  sa  misericorde  infinie  avoit  commence  de  visiter  les  courtz  par  sa  parolle.  Plusieurs  ont  voulu  prendre  l'Evangile  comme  un  passetemps.  Voyans  ce  qui  leur  est  advenu,  mirons  nous  en  leur  exemple.  Nous  avons  un  semblable  miroir  aux  comptoirs  des  thrcsoriers,  et  aux  cabinetz  des  gens  oisifz  et  aux  boutiques,  tant  des  marchans  comme  des  gens  mechaniques.  A  fin  donc  que  nous  ne  soyons  point