6:167  EPISTRE  ATT  LECTEUR.  168  ce  a  este  une  trop  grande  impudence  a  ceux  qui  ont  introduict  la  langue  Latine  par  les  Eglises,  ou  elle  n'estoit  communement  entendue.  Et  n'y  a  subtilite  ne  cavillation,  qui  les  puisse  excuser,  que  ceste  faceon  ne  soit  perverse  et  deplaisante  a  Dieu.  Car  il  ne  fault  presumer,  qu'il  ait  aggreable  ce  qui  se  faict  directement  contre  son  vouloir,  et  comme  par  despit  de  luy.  Or,  on  ne  le  scauroit  plus  despiter,  que  d'aller  ainsi  alencontre  de  sa  defence,  et  se  glorifier  en  ceste  rebellion,  comme  si  c'estoit  une  chose  saincte  et  fort  louable.  Quand  est  des  Sacremens,  si  nous  regardons  bien  leur  nature,  nous  congnoistrons,  que  c'est  une  coustume  perverse  de  les  celebrer  en  telle  sorte,  que  le  peuple  n'en  ayt  sinon  la  veue,  sans  exposition  des  mysteres  qui  y  sont  contenuz.  Car  si  ce  sont  parolles  visibles,  comme  sainct  Augustin  les  nomme,  il  ne  faut  pas  qu'il  y  ait  seulement  un  spectacle  exterieur:  mais  que  la  doctrine  soit  conioincte  avec,  pour  en  donner  intelligence.  Et  aussi  nostre  Seigneur,  en  les  instituant,  a  bien  demonstre  cela.  Car  il  dit,  que  ce  sont  tesmoignages  de  l'alliance  qu'il1  a  faicte  avecque  nous  et  qu'il  a  confermee  par  sa  mort.  Il  fault  bien  donc,  pour  leur  donner  lieu,  que  nous  scachions  et  congnoissions,  ce  qui  y  est  dict.  Aultrement  ce  seroit  en  vain,  que  nostre  Seigneur  ouvriroit  la  bouche  pour  parler,  s'il  n'y  avoit  aureilles  pour  escouter.  Combien  qu'il  n'est  ia  mestier  d'en  faire  longue  dispute.  Car  quand  la  chose  sera  iugee  de  sens  rassis,  il  n'y  aura  celuy,  qui  ne  confesse,  que  c'est  une  pure  bastellerie,  d'amuser  le  peuple  en  signes,  clont  la  signification  ne  luy  soit  point  exposee.  Parquoy  il  est  facile  de  veoir  qu'on  prophane  les  Sacremens  de  Iesus  Christ,  les  administrant  tellement,  que  le  peuple  *  ne  comprenne  point  les  parolles,  qui  y  sont  dictes.  Et  de  faict,  on  veoit  les  superstitions  qui  en  sont  sorties.  Car  on  estime  communement,  que  la  consecration,  tant  de  l'eaue  au  Baptesme,  que  du  pain  et  du  vin  en  la  Cene  de  nostre  Seigneur,  soit  comme  une  espece  d'enchantement.  C'est  a  dire  quancl  on  a  souffle  et  prononce  de  bouche  les  parolles,  que  les  creatures  insensibles  en  sentent  la  vertu,  encores  que  les  hommes  n'y  entendent  rien.  Or,  la  vraye  consecration  est  celle  qui  se  faict  par  la  parolle  de  Foy,  quand  elle  est  declaree  et  receue,  comme  dit  sainct  Augustin.l)  Ce  qui  est  expressement  comprins  aux  parolles  de  Iesus  Christ.  Car  il  ne  dict  pas  au  pain,  qu'il  soit  fait  son  corps:  mais  il  adresse  sa  parolle  a  la  compagnie  des  fideles,  disant:  Prenez  mangez  etc.  Si  nous  voulons  donc  bien  celebrer  le  Sacrement,  il  nous  fault  avoir  la  doctrine  par  laquelle  ce  qui  y  est  signifie  nous  soit  declaire.  Ie  scay  bien  que  cela  semble  advis  fort  estrange  a  ceux  qui  ne  l'ont  pas  accoustume:  comme  il  en  advient  en  toutes  choses  nouvelles.  Mais  c'est  bien  raison  si  nous  sommes  disciples  ^ie  Iesus  Christ,  que  nous  preferions  son  institution  a  nostre  coustume.  Et  ne  nous  doit  pas  sembler  advis  nouveau,  ce  qu'il  a  institue  des  le  commencement.  Si  cela  ne  peult  encores  entrer  en  l'entendement  d'un  chascun,  il  nous  fault  prier  Dieu,  qu'il  luy  plaise  illuminer  les  ignorans,  pour  leur  faire  entendre,  combien  il  est  plus  sage  que  tous  les  hommes  de  la  terre,  afin  qu'ilz  apprennent  de  ne  s'arrester  plus  a  leur  propre  sens,  ny  a  la  sagesse  folle  et  enragee  de  leurs  conducteurs,  qui  sont  aveugles.  Cependant,  pour  l'usage  de  nostre  Eglise,  il  nous  a  semble  advis  bon,  de  faire  publier  comme  un  formulaire  des  prieres  et  des  Sacremens:  afin  que  chascun  recongnoisse,  ce  qu'il  oyt  dire  et  faire  en  l'assemblee  Chrestienne.  Combien  que  ce  Livre  ne  profitera  pas  seulement  au  peuple  de  ceste  Eglise:  mais  aussi  a  tous  ceux  qui  desireront  scavoir,  quelle  forme  doyvent  tenir  et  suyvre  les  fideles,  quand  ilz  convienent  au  Nom  de  Iesus  Christ.  Nous  avons  donc  recueilly  en  un  sommaire  la  faceon  de  celebrer  les  Sacremens  et  sanctifier  le  mariage:  semblablement  des  prieres  et  louenges,  desquelles  nous  usons.  Nous  parlerons  puis  apres  des  Sacremens.  Quant  est  des  prieres  publiques,  il  y  en  a  deux  especes.  Les  unes  se  font  par  simple  parolle:  les  aultres  avec-  1)  Homil.  80  in  Ioann,  etc