56:167  167  LEVITIQUE.  168  sa  chair,  il  iugera  la  playe  eBtre  nette,  pourtant  qu'elle  est  toute  tournee  en  blancheur:  et  il  sera  net.  14.  Mais  au  iour  auquel  on  aura  veu  en  icelle  la  chair  vive,  il  sera  souille.  15.  Lors  le  Sacrificateur  verra  la  chair  vive,  et  le  iugera  souille:  car  la  chair  vive  est  souillee.  C'est  donc  lepre.  16.  Ou  si  la  chair  vive  est  retournee  et  convertie  en  blancheur,  il  viendra  au  Sacrificateur,  17.  et  le  Sacrificateur  le  verra.  Que  si  la  playe  est  convertie  en  blancheur,  le  Sacrificateur  iugera  la  playe  estre  nette:  car  il  est  net.  18.  Si  la  chair  a  en  sa  peau  une  apostume,  et  soit  guairie:  19.  Et  qu'au  lieu  de  l'apostume  il  y  ait  enflure  blanche,  ou  tache  blanche  et  roussette,  il  sera  veu  par  le  Sacrificateur.  20.  Le  Sacrificateur  donc  le  verra:  que  si  l'apparence  d'icelle  est  plus  abaissee  que  la  peau,  et  que  son  poil  soit  converti  en  blancheur,  le  Sacrificateur  le  iugera  souille:  car  la  playe  de  lepre  est  fleurie  en  l'apostume.  21.  Et  si  le  Sacrificateur  voit  qu'en  icelle  le  poil  ne  soit  point  blanc,  et  ne  soit  point  plus  bas  que  la  peau,  ains  qu'elle  soit  aucunement  obscure,  le  Sacrificateur  le  fera  enclorre  par  sept  iours.  22.  Que  si  elle  est  accreue  en  la  peau,  le  Sacrificateur  le  iugera  souille:  car  c'est  playe.  23.  Mais  si  la  tache  blanche  s'est  tenue  en  son  lieu,  ne  croissant  point,  c'est  ardeur  d'apostume,  dont  le  Sacrificateur  le  iugera  net.  24.  Ou  si  la  chair  a  en  sa  peau  bruslure  de  feu,  et  que  la  graisse  de  la  bruslure  ait  tache  blanche,  roussette  ou  palle,  25.  Le  Sacrificateur  la  verra:  et  si  le  poil  est  converti  en  blancheur  dedans  la  tache,  et  l'apparence  d'icelle  est  plus  enfoncee  que  la  peau,  c'est  lepre  fleurie  en  la  bruslure.  Le  Sacrificateur  donc  le  iugera  estre  souille  :  car  c'est  playe  de  lepre.  26.  Mais  si  le  Sacrificateur  la  voit  sans  qu'elle  ait  poil  blanc  en  la  tache,  et  n'est  point  plus  abaissee  que  la  peau,  ains  est  aucunement  obscure,  le  Sacrificateur  le  fera  enclorre  par  sept  iours.  27.  Puis  le  Sacrificateur  le  verra  au  septieme  iour:  et  si  elle  est  accreue  en  la  peau,  le  Sacrificateur  le  iugera  souille:  car  c'est  playe  de  lepre.  28.  Que  si  la  tache  blanche  s'arreste  en  son  lieu  sans  croistre  en  la  peau,  et  soit  aucunement  obscure,  c'est  enfleure  de  bruslure,  dont  le  Sacrificateur  le  iugera  net:  car  c'est  ardeur  de  bruslure.  29.  Item,  si  l'homme  ou  la  femme  a  playe  en  son  chef  ou  en  sa  barbe,  30.  Le  Sacrificateur  verra  la  playe,  et  si  l'apparence  d'icelle  est  plus  enfoncee  que  la  peau,  ayant  en  soi  poil  iaune  delie,  le  Sacrificateur  le  condamnera  souille:  car  c'est  la  tigne  et  la  lepre  du  chef  ou  de  la  barbe.  31.  Et  si  le  Sacrificateur  voit  la  playe  de  la  tigne,  et  l'apparence  d'icelle  n'est  point  plus  enfoncee  que  la  peau,  et  n'y  ait  en  soy  nul  poil  noir,  le  Sacrificateur  enclorra  par  sept  iours  celuy  qui  a  .a  playe  de  la  tigne.  32.  Puis  au  septieme  iour  le