55:167  167  CAPUT  XI.  168  statuendum  est  non  aliter  quam  fide  locum  Dei  bonitati  dari,  ut  se  erga  nos  exserat.  Praecipue  notandum  est  membrum  illud,  ubi  dicitur  fide  adeptos  esse  promissiones.  Tametsi  enim  verax  manet  Deus,  etiamsi  omnes  simus  increduli:  infidelitas  tamen  nostra  facit  ut  promissiones  nobis  sint  irritae,  hoc  est,  effectu  careant.  34.  Robusti  facti  sunt  ex  infirmitate.  Chrysostomus  alio  refert:  nempe  quod  reducti  sint  Iudaei  ab  exsilio,  in  quo  erant  quasi  desperati.  Mihi  de  Ezechia  hoc  accipi  non  displicet.  Quamquam  possemus  latius  extendere:  quod  Dominus  in  altum  manu  sua  extulerit  sanctos,  quoties  prostrati  erant,  opemque  tulerit  eorum  infirmitati,  ut  pleno  robore  vigerent.  35.  'Receperunt  mulieres  resurrectione  mortuos  suos:  alii  vero  distenti  fuerunt,  non  amplexi  redemptionem,  ut  meliorem  resurrectionem  obtinerent  36.  Alii  autem  ludibria  et  flagella  experti  sunt:  praeterea  vincula  et  carceres.  37.  Lapidati  sunt,  dissecti  sunt,  tentati  sunt,  occisione  gladii  mortui  sunt,  oberrarunt  in  pellibus  ovillis,  in  iergoribus  caprinis,  destituti,  afflicti,  malis  affecti:  38.  quibus  mundus  non  erat  dignus:  in  desertis  errantes,  in  montibus,  et  speluncis,  et  cavernis  terrae:  39.  JEt  hi  omnes  testimonium  consequuti  per  fidem,  non  consequuti  sunt  promissionem:  40.  Leo  quiddam  pro  nobis  providente,  ne  sine  nobis  perficerentur.  35.  Receperunt,  ete.  Nuper  prosperos  successus  recensuit  quibus  muneratus  est  Deus  suorum  fidem:  nunc  diversum  argumentum  tractat:  nempe,  sanctos,  quum  ad  extremas  quasque  miserias  redacti  essent,  fide  tamen  eluctatos  esse,  ut  etiam  ad  mortem  usque  invicti  perstiterint.  Haec  quidem  primo  adspectu  multum  inter  se  differunt:  quod  alii  de  victis  hostibus  magnifice  triumphant,  variis  miraculis  conservantur  a  Domino,  eruuntur  novis  et  insolitis  modis  ex  media  morte:  alii  autem  probrose  tractantur,  et  prope  conspuuntur  a  toto  mundo,  conficiuntur  inopia,  exosi  sunt  omnibus,  ut  cogantur  in  latebras  ferarum  se  abdere,  trahuntur  denique  ad  saeva  et  truculenta  supplicia.  Nam  hi  posteriores  destituti  prorsus  videntur  Dei  auxilio,  quum  ita  eos  exponit  superbiae  et  crudelitati  impiorum.  Multum  ergo  videntur  a  prioribus  distare.  Fides  tamen  in  utrisque  regnat,  et  in  utrisque  perinde  est  efficax:  imo  in  secundis  melius  vis  eius  relucet.  Nam  in  mortis  contemptu  splendidior  est  fidei  victoria,  quam  si  vita  in  quintum  saeculum  propagetur.  Hic  praestantior  est  fidei  effectus,  dignusque  maiori  laude,  probra,  inopiam,  et  extremas  aerumnas  perferre  aequo  et  constanti  animo,  quam  miraculo  recuperare  sanitatem,  vel  aliquod  simile  Dei  beneficium  consequi.  Summa  est,  fortitudinem  sanctorum,