52:167  167  EPIST.  PAULI  AD  THESSALONICENSES  I  168  ��onsolationen),  in  qua  nunc  versatur.  Superstites  dicit  cum  illis  simul  raptum  iri  :  in  his  nulla  mortis  mentio:  quare  innuere  videtur  mortis  fore  expertes.  Hic  multum  se  torquet  Augustinus,  tum  libro  De  civitate  vicesimo,  tum  in  responsione  ad  Dulcitium  :  quia  secum  pugnare  videatur  Paulus,  qui  alibi  (1.  Cor.  15,  36)  negat  renasci  posse  semen  nisi  moriatur.  Verum  solutio  facilis  est,  quia  subita  immutatio  mortis  instar  erit.  Mors  quidem  ordinaria  separatio  est  animae  a  corpore.  Verum  nihil  obstat  quominus  aboleat  Dominus  momento  corruptibilem  hanc  naturam,  ut  novam  sua  virtute  creet:  sic  enim  impletur  quod  fieri  oportere  idem  Paulus  docet  (2.  Cor.  5,  4),  ut  absorbeatur  mortalitas  a  vita.  Quod  in  confessione  nostra  habetur,  Christum  iudicem  mortuorum  fore  ac  vivorum,  Augustinus  sine  figura  verum  esse  agnoscit:  tantum  in  illo  scrupulo  haeret,  quomodo  resurgant  qui  non  sunt  mortui.  Verum  (ut  dixi)  illa  est  mortis  species,  dum  in  nihilum  redigitur  haec  caro,  ut  nunc  est  corruptioni  obnoxia.  Tantum  hoc  est  discrimen,  quod  qui  dormiunt  aliquo  temporis  spatio,  corporis  exuunt  substantiam  :  qui  autem  subito  innovabuntur,  non  nisi  qualitatem  exuent.  17.  Et  sic  semper.  Semei  ad  Christum  aggregatis  promittit  aeternam  cum  eo  vitam:  quibus  verbis  abunde  Origenis  et  Chiliastarum  deliria  refutantur.  Neque  enim  alium  finem  habitura  est  fidelium  vita  quam  Christi,  ex  quo  semel  in  unum  regnum  collecti  fuerint.  Christo  autem  mille  annos  tribuere,  ut  postea  regnare  desinat,  plus  quam  horrendum  dictu  est.  Atqui  in  hanc  absurditatem  cadunt  qui  mille  annis  terminant  fidelium  vitam,  quia  vivere  eos  cum  Christo  oportet  quamdiu  erit  Christus  ipse.  Notandum  etiam  quod  dicit,  erimus:  nam  significat  tunc  nos  vitam  aeternam  utiliter  sperare,  quum  nobis  speramus  proprie  esse  destinatam.  18.  Consolamini.  Apertius  iam  demonstrat  quod  prius  dixi,  in  fide  resurrectionis  esse  nobis  iustam  consolationis  materiam:  modo  Christi  simus  membra,  et  illi  tanquam  capiti  nostro  vere  uniti  simus.  Quamquam  apostolus  non  modo  unumquemque  sibi  quaerere  doloris  solatium  iubet,  sed  aliis  etiam  ministrare.  CAPUT  v.  1.  Porro  de  temporibus  et  articulis  temporum  non  opus  habetis  ut  vobis  scribatur.  2.  Ipsi  enim  optime  scitis  quod  dies  Domini  tanquam  fur  in  nocte,  sic  veniet.  3.  Quando  enim  dixerint,  pax  et  securitas:  tunc  repentinus  ipsis  superveniet  interitus,  quasi  dolor  partus  mulieri  praegnanti,  nec  effugient.  4.  Vos  autem,  fratres,  non  estis  in  tenebris,  ut  dies  ille  vos