51:167  167  EPIST.  PAULI  AD  EPHESIOS  168  Creati  ad  bona  opera.  Multum  aberrant  a  Pauli  mente,  qui  torquent  hunc  locum  ad  lacerandam  fidei  iustitiam.  Quia  pudet  eos  prorsus  negare,  fide  nos  iustificari,  idque  frustra  a  se  fieri  vident:  confugiunt  ad  huiusmodi  cuniculum,  nos  fide  iustificari,  quia  initium  iustitiae  a  fide  sit,  qua  Dei  gratiam  recipimus  :  sed  nos  fieri  iustos  regeneratione,  quia  renovati  Christi  spiritu,  ambulemus  in  bonis  operibus.  Ita  fidem  quasi  ianuam  faciunt,  qua  ingredimur  in  iustitiam:  sed  hanc  nos  operibus  adipisci  imaginantur:  vel  saltem  iustitiam  definiunt  esse  rectitudinem,  ubi  homo  ad  bene  vivendum  est  reformatus.  Non  curo  quam  vetus  sit  error:  sed  perperam  faciunt,  qui  ad  eius  confirmationem  testimonium  ex  hoc  loco  sumunt.  Respicienda  est  Pauli  intentio,  dum  ostendere  vult,  nos  Deo  nihil  contulisse  unde  nobis  sit  obnoxius:  docet  ipsa  etiam  quae  facimus  bona  opera  ab  ipso  provenire.  Unde  sequitur  nihil  nos  esse  nisi  mera  eius  liberalitate.  Nunc  dum  isti  inferunt  nos  ergo  dimidia  ex  parte  iustificari  operibus:  quid  hoc  ad  Pauli  mentem?  et  quid  ad  causam  quam  tractat?  Aliud  enim  est,  disputare  in  quo  iustitia  consistat:  aliud,  quum  docetur,  eam  non  esse  a  nobis,  rationem  addere,  quia  nihil  habeamus  in  bonis  operibus  proprium,  sed  a  Dei  spiritu  formati  simus  ad  bona  omnia:  idque  per  Christi  gratiam.  Nam  Paulus  quum  iustitiae  causam  definit,  in  hoc  praecipue  cardine  versatur,  nunquam  fore  tranquillas  conscientias  nisi  in  remissionem  peccatorum  recumbant.  Hic  nihil  tale  attingit,  quia  nihil  aliud  tractat,  nisi  totum  quod  sumus,  id  nos  esse  Dei  gratia.  Quae  praeparavit  Deus.  Hoc  ne  ad  doctrinam  legis  referas,  quemadmodum  Pelagiani:  quasi  intelligeret  Paulus,  Deum  praecipere  quid  iustum  sit,  et  rectam  vivendi  regulam  tradere:  nam  potius  urget  illud,  quod  docere  ceperat,  salutem  a  nobis  non  proficisci.  Dicit  igitur,  bona  opera,  antequam  nasceremur,  a  Deo  esse  praeparata:  intelligens,  non  proprio  marte  nos  esse  idoneos  ad  recte  vivendum,  sed  quatenus  aptamur  Dei  manu  et  formamur.  Quod  si  praeoccupavit  Dei  gratia,  locum  iactantiae  nostrae  abstulit.  Quare  diligenter  notanda  est  vox  praeparationis:  quia  ex  ordine  ipso  demonstrat  Paulus,  nihil  nobis  bonorum  operum  respectu  a  Deo  deberi.  Qui  sic?  deprompta  enim  sunt  ex  eius  thesauro,  in  quo  longe  ante  reposita  fuerant.  Nam  quos  vocavit,  eos  iustificat  et  regenerat.  l  l  .  Quamobrem  memores  estote  quod  aliquando  vos  gentes  in  carne,  qui  dicebamini  praeputium  ab  ea  quae  vocatur  circumcisio  in  carne  manus  acta:  12.  Ulo  tempore  eratis  absque  Christo,  alienati  a  republica  Israelis,  hospites  tabularum  promissionis,  spem  non  habentes,  et  sine  Deo  in  mundo.  13.  Nunc