50:167  CAPUT  I.  1.  Paulus  apostolus,  non  ai  "hominibus,  neque  per  hominem  j  sed  per  Iesum  Christum  et  Deum  patrem,  qui  suscitavit  illum  ex  mortuis,  2.  et  qui  mecum  sunt  fratres  omnes,  ecclesiis  Galatiae:  3.  gratia  vobis  et  pax  a  Deo  patre  et  Domino  nostro  Iesu  Christo:  4.  qui  dedit  se  ipsum  pro  peccatis  nostris,  ut  nos  eriperet  a  praesenti  saecuio  maligno,  secundum  voluntatem  Dei  et  patris  nostri,  5.  cui  gloria  in  saecula  saeculorum,  Amen*  1.  Paulus  apostolus.  Diximus  alibi  Paulum  in  salutationibus  nomen  apostoli  sibi  adscribere  solitum,  ut  a  persona  autoritatem  conciliet  suae  doctrinae.  Personae  vero  autoritas,  non  ab  hominum  vel  iudicio,  vel  arbitrio,  sed  a  sola  Dei  vocatione  pendet.  Itaque  audiri  postulat,  quia  est  apostolus.  Semper  illud  retineamus,  solum  Deum  in  ecclesia  audiendum  esse,  et  qui  ab  eo  constitutus  est  magister,  Iesum  Christum.  Ergo  quicunque  locum  docendi  arrogare  sibi  vult,  nomine  Dei  aut  Christi  loquatur  oportet.  Sed  quia  de  Pauli  vocatione  magis  ambigebatur  inter  Galatas:  ideo  ad  eam  asserendam  plus  quiddam  exprimit  quam  in  aliis  epistolis.  Neque  enim  se  tantum  affirmat  vocatum  a  Deo,  sed  ex  adverso  negat,  vel  ab  hominibus,  vel  per  homines.  Notandum  est,  non  de  communi  pastorum  officio,  sed  de  apostolatu  ipsum  loqui.  Non  audebant  calumniatores  illum  penitus  spoliare  honore  ministerii:  apostoli  tantum  nomen  et  ius  eripiebant.  Loquimur  nunc  de  apostolatu  in  propria  significatione.  Nam  dupliciter  capitur  hoc  vocabulum  :  aliquando  significat  quoslibet  evangelii  praecones:  sed  hic  specialiter  primarium  in  ecclesia  ordinem,  ut  sit  Paulus  aequalis  Petro  et  reliquis  duodeoim.  Primum  illud  membrum,  non  esse  vocatum  ab  hominibus,  commune  habebat  cum  omnibus  veris  Christi  ministris.  Ut  nemo  sibi  honorem  debet  sumere:  ita  non  est  in  hominum  potestate  deferre  quibus  libuerit.  Solius  enim  Dei  est  ecclesiam  suam  regere:  ergo  vocatio  non  potest  esse  legitima,  nisi  ab  ipso.  Tametsi  autem  rite  vocatus  interdum  quispiam  erit  ecclesiae  respectu:  qui  tamen  prava  cupiditate,  non  recta  conscientia  ad  ministerium  pervenerit:  hic  tamen  Paulus  de  perfecta  vocationis  suae  approbatione