42:167  167  SERMON  XLVII.  168  si  est-ce  neantmoins  que  nous  recueillons  iournellement  tant  d'ordures,  que  si  Dieu  nous  laissoit  la  croppir,  qu'il  ne  nous  lavast  point  par  afflictions,  la  pourriture  et  la  vermine  nous  mangeroit,  et  nous  rongeroit  du  tout,  tellement  qu'il  n'y  auroit  plus  de  moien  d'y  remedier.  Ainsi  donc  puis  que  nostre  Seigneur  par  ce  moien  la  procure  nostre  salut,  et  qu'il  nous  rend  tesmoignage  de  son  amour,  quand  il  ne  veut  point  que  nous  pourrissions  eu  nos  ordures,  mais  qu'il  nous  purge  et  nettoie  par  les  afflictions  qu'il  nous  fait  sentir,  accordons-nous  a  cela,  et  les  portons  patiemment.  Nous  voions  maintenant  a  quel  propos  cette  sentence  est  ici  mise,  et  combien  elle  nous  est  profitable,  quand  il  est  dit  que  plusieurs  seront  nettoies  et  blanchis.  Or  de  prime  face  c'est  une  chose  bien  espouvantable  et  bien  effroiante,  qu'il  faille  que  l'Eglise  de  Dieu  soit  tourmentee,  qu'on  n'y  voie  que  desolation,  qu'on  voie  que  le  sang  innocent  soit  espandu,  que  les  feux  soient  allumes,  que  les  espees  soient  desgainees,  voila  les  tirans  qui  sont  comme  loups  ravissans,  et  les  fideles  sont  comme  des  moutons  qu'on  meine  a  la  boucherie,  ils  ont  tousiours  le  couteau  sur  la  gorge.  Quand  donc  on  voit  un  estat  si  pauvre  en  l'Eglise  de  Dieu,  il  est  certain  que  c'est  asses  pour  nous  faire  penser  que  tout  y  est  confus.  Ainsi  donc  revenons  a  ce  qui  est  ici  dit,  que  Dieu  besongne  d'une  telle  sorte,  que  les  afflictions,  les  troubles,  les  tourmens,  les  exces,  les  outrages  qu'on  fait  a  son  Eglise  luy  sont  profitables,  que  c'est  comme  une  buee  pour  blanchir  et  nettoier  les  taches,  et  les  macules,  qui  sont  en  ses  fideles,  a  fin  qu'ils  soient  une  fois  receus  en  son  royaume  glorieux.  Or  cependant  il  est  dit  que  les  meschans  n'entendront  point,  et  qu'ils  feront  meschamment.  En  ceci  voions  nous  combien  nous  sommes  tenus  a  nostre  Dieu,  de  ce  qu'il  nous  fait  ainsi  servir  les  afflictions  qu'il  nous  envoie,  les  meschans  n'eschapperont  point  la  main  de  Dieu,  qu'ils  n'en  soient  batus  et  tourmentes,  or  cependant  a  quel  profit?  c'est  a  leur  plus  grande  condemnation,  car  tout  ainsi  que  les  biens  qu'ils  recoivent  de  la  main  de  Dieu  leur  seront  cherement  vendus,  d'autant  qu'ils  en  auront  abuse:  aussi  les  corrections  que  Dieu  leur  envoie,  leur  seront  autant  d'agravation  de  son  iugement,  pour  tousiours  leur  adiouster  mal  sus  mal  :  or  ils  abusent  de  la  main  de  Dieu,  quand  ils  se  rendent  incorrigibles  sous  ses  verges:  il  est  certain  que  d'autant  qu'un  pere  verra  san  enfant  obstine  apres  qu'il  l'aura  batu,  qu'il  aura  tasche  de  l'amener  a  quelque  correction,  s'il  void  que  son  enfant  empire,  qu'il  ne  se  soucie  de  nul  chastiement,  alors  le  pere  se  courroucera  d'avantage,  ainsi  faut-il  que  la  condemnation  des  meschans  soit  augmentee  d'autant  plus,  quand  Dieu  les  aura  chasties  en  ce  monde,  et  cependant  qu'ils  seront  demoures  en  un  estat,