29:167  167  SERMON  CXOVI.  168  toute  sobriete,  et  que  nous  n'y  soyons  point  par  trop  occupez.  Cependant  s'il  ne  nous  en  veut  point  donner,  que  nous  portions  la  povrete  patiemment,  et  que  nous  passions  outre.  Et  cependant  que  nous  prenions  tel  contentement  et  repos  en  ces  biens  spirituels  que  Dieu  nous  eslargit,  quand  il  luy  plaist  nous  certifier  qu'il  est  nostre  pere,  quand  il  nous  appelle  iournellement  a  soy,  qu'au  nom  de  nostre  Seigneur  Iesus  Christ  il  nous  declare  que  nous  pourrons  trouver  grace  envers  luy:  quand  donc  nous  avons  cela,  qu'il  nous  suffise,  et  que  nous  ne  mesprisions  point  les  povretez,  les  fascheries  et  les  troubles  que  nous  aurons  en  ce  monde:  et  cependant  que  nous  ne  portions  point  d'envie  a  ceux  qui  sont  ici  mieux  traittez:  et  quand  nous  verrons  les  incredules  estre  a  leur  aise,  avoir  toutes  leurs  voluptez,  et  que  rien  ne  leur  defaut:  et  bien  regardons  a  la  lignee  d'Ephraim,  regardons  a  l'abondance  de  ces  deux  lignees,  tant  d'Ephraim  que  de  Manasse.  Ils  ont  este  repeus  a  leur  plaisir:  mais  quoy?  Ils  ont  gourmande  les  biens  de  Dieu,  et  s'en  sont  estranglez  a  cause  de  leur  ingratitude.  Ainsi  donc  que  cela  soit  pour  nous  retenir,  a  ce  que  nous  ne  portions  point  d'envie  a  ceux  quo  Dieu  traitte  ainsi  liberalement  en  ce  monde,  et  envers  lesquels  il  se  monstre  large:  que  ce  ne  soit  point  pour  nous  fascher.  Et  pourquoy?  Car  nous  avons  les  biens  qui  vallent  beaucoup  mieux,  c'est  assavoir  ce  qui  concerne  nostre  salut.  Car  puis  que  Dieu  commence  par  son  S.  Esprit  de  besongner  en  telle  sorte  en  nous,  que  nous  aspirions  a  ces  richesses  celestes,  ausquelles  de  iour  en  iour  il  nous  appelle,  iusques  a  ce  que  nous  en  ayons  la  pleine  iouissance  a  la  venue  de  nostre  Seigneur  Iesus  Christ.  LE  SIXIESME  SERMON  SUR  LE  CHAP.  XXXIII.  V.  18.19.  DU  VENDREDI  3B  DE  IDILLET  1556.  Nous  vismes  hier  en  la  benediction  de  Ioseph,  comme  Moyse  rapportoit  tout  a  la  grace  de  Dieu  ce  que  les  hommes  ont  accoustume  souvent  d'attribuer  a  fortune.  Et  c'est  une  doctrine  qui  est  bien  a  noter,  a  cause  de  nostre  ingratitude:  que  si  nous  ne  sommes  contraints  de  recognoistre  la  bonte  de  Dieu,  elle  sera  tousiours  ensevelie  par  nouR,  et  cercherons  ici  bas  des  choses  pour  nous  amuser,  tellement  qu'apres  que  Dieu  nous  aura  donne  assez  d'occasion  de  magnifier  sa  grace,  si  est-ce  que  nous  n'en  tenons  conte.  Il  faut  donc  que  nous  soyons  admonnestez  d'eslever  nos  sens  et  nos  esprits