27:167  167  SERMON  LXXXI.  168  et  que  Dieu  l'avoit  promise  a  son  serviteur  Abraham.  Mais  quoy?  ll  a  reiette  la  lignee  de  Manasse,  la  lignee  cTEphraim,  il  ne  s'est  point  arreste  la,  mais  il  a  choisi  la  lignee  de  Iuda.  Et  pourquoy?  Pource  qu'il  luy  a  pleu.  Si  on  eust  regarde  a  l'apparence,  on  sait  que  le  royaume  qui  a  este  en  Israel  estoit  beaucoup  plus  grand  que  celuy  de  Iuda.  Il  est  vray  que  du  temps  de  David  tout  estoit  uni:  mais  quand  le  peuple  se  revolte,  voila  la  lignee  d'Bphraim  qui  est  en  plus  grand  honneur  beaucoup:  et  toutesfois  Dieu  reserve  ceste  dignite  a  la  ville  de  Ierusalem,  et  a  la  montagne  de  Sion:  qu'il  veut  la  estre  adore.  Puis  qu'ainsi  est  donc,  cognoissons  qu'il  faut  que  les  hommes  se  devestent  de  toute  hautesse,  pour  bien  servir  a  Dieu  :  qu'ils  ne  cerchent  point  de  se  faire  valloir,  mais  qu'ils  s'assujettissent  du  tout  a  la  volonte  de  Dieu,  et  que  nul  ne  regarde  de  marcher  devant  les  autres  en  honneur:  comme  nous  voyons  ceste  ambition  en  la  papaute,  qu'on  regarde  qui  ira  le  premier  a  l'offrande.  Il  semble  bien  qu'on  le  face  par  devotion:  mais  il  n'y  a  qu'un  orgueil  diabolique.  Et  ainsi,  quand  nous  voudrons  que  Dieu  accepte  nostre  service:  apprenons  de  venir  en  humilite,  et  que  nul  ne  donne  du  coude  a  son  prochain:  mais  que  si  Dieu  veut  que  quelcun  soit  doue  de  plus  grande  grace,  que  nous  ne  luy  portions  point  d'envie  :  comme  nous  en  sommes  tant  exhortez.  Voila  Dieu  qui  aura  distribue  de  ses  graces  a  l'un  plus  qu'a  l'autre:  qu'est-il  question  de  faire?  Se  faut-il  la  despitter?  Faut-il  regarder,  comme  nous  pourrons-nous  faire  valoir?  Helas!  nous  ne  ferons  que  nous  eslongner  de  Dieu,  quand  nous  voudrons  nous  avancer,  et  nous  faire  valoir  devant  les  hommes.  Que  donc  nous  y  venions  en  toute  humilite,  et  que  nous  n'ayons  point  ces  affections  sottes,  et  meschantes,  de  vouloir  nous  attribuer  plus  que  nos  prochains  n'auront  pas.  Voila  donc  ce  que  Moyse  a  voulu  ici  exprimer  en  disant:  De  toutes  tes  lignees  Dieu  choisira  un  lieu  certain  :  et  qu'il  n'en  face  point  mal  a  ceux  qui  seront  reculez.  Et  pourquoy?  Si  Dieu  les  veut  humilier,  ils  ne  gagneront  rien  de  se  venir  hurter  contre  luy:  qu'on  se  contente  donc  chacun  de  son  degre,  et  de  sa  mesure,  et  que  celuy  qui  est  petit,  qu'il  se  tienne  en  sa  petitesse.  Or  notamment  il  adiouste  aussi,  que  Dieu  elira  le  lieu,  la  ou  il  mettra  son  Nom.  En  quoy  il  signifie  qu'il  n'est  point  la  enclos  quant  a  son  essence:  car  il  y  a  tousiours  deux  choses  (comme  nous  avons  expose  par  ci  devant)  qu'il  nous  faut  bien  observer.  Quand  nous  avons  quelque  ordre  exterieur,  et  quelque  police  pour  seryir  a  Dieu:  il  nous  faut  ici  observer  deux  choses.  I/une  c'est,  que  Dieu  descend  a  nous,  comme  il  voit  que  nous  sommes  rudes,  et  terrestres,  et  nous  gratifie  iusques  la,  qu'il  nous  donne  des  choses  qui  nous