20:167 167 EPISTOLAE 4032.4035 168 geri, Zwinglii, Musculique mentio. Existimo te librum iampridem habuisse. Quaedam obiter inspexi: videtur scriptor nullius cerebri, pleraque sunt putida et ex meris mendaciis consuta. Ego hunc presbyterum, quod inter alia sciscitaretur ex me causam, cur subterfugeremus concilium Tridentinum, oratione mea de concilio remuneratus sum Curiae 4. Octob, anno 1563. Tui observantissimus Ioh. Fab. 4033. BEZA BULLINGERO. Gratias agit pro Colignaei apologia germanice versa et hac occasione paucis Galliae ambiguum statum describit. Calvinus morbis vexatur variis. Poltrotus ipsum ab omni suscipione liberavit. (Ex autographo Cod. Genev. 118, fol. 16.) Fideli Christi servo D. Henrico Bullingero patri mihi plurimum observando et Tigurinae ecclesiae vere fido pastori. Tiguri, 8. Habeo tibi et optimis fratribus magnam gratiam, mi pater, protranslatione germanica libelli illius, nec dubito quin D. Amiralio sit hoc futurum gratissimum. Guisiani infinitis clientibus subnixi minantur se commoturos coelum et terram potius quam caedem illam, quam optimo et innocentissime viro imputant, quamvis in mediis armis perpetratam, ulciscantur. Ille contra domi fortissime se sustinet sua conscientia fretus, nec legitimum iudicium recusat: et adversarios certum est praetextu illo uti contra conscientiam, ut eum opprimant, quem nunc fere cum suis fratribus vident serio causam Christi tueri. Interea non desunt Amiralio amici, adeo ut, nisi Dominus miseram Galliam respiciat, hoc sit futurum novi belli incendium. Siquidem certum est nostros iam quoque convenire ut Amiralium in optima causa iuvent. Vides ergo qui tumultus inde impendeant. Sed spes est regis pubertatem, quamvis immaturam, tamen aliquod his impediendis malis remedium allaturam. Caeterum, utcunque sit, affirmo tibi fortiter pergere ecclesias et paulatim cicurari etiam ferocissimos, partim regis edictis cohibitos, partim ipsa diuturnitate crudelitatis satiatos.