10.1:167  CONSILIA.  5,  19):  Erat  Deus  in  Christo  mundum  reconcilians  sibi,  non  imputans  hominibus  peccata.  Notanda  est  etiam  quae  mox  subiicitur  iustitiae  ratio.  Eum  qui  peccatum  non  noverat,  peccatum  pro  nobis  fecit,  ut  iustitia  Dei  essemus  in  illo  (ibid.  v.  21).  Haec  brevis  admonitio  sanis  et  modestis  lectoribus,  ut  spero,  contra  Osiandri  praestigias  muniendis  sufficiet.  Neque  enim  longum  volumen  scribere  nunc  vacat,  nec  expedire  iudico.  CONTRA  MENN0NEM.1)  Calvinus  Micronio.  Tu  vero,  integerrime  frater,  minime  literis  tuis  me  obtundis,  quibus  interpellari  gratum  est  ac  iucundum.  Tantum  cuperem  laetius  tibi  dari  argumentum,  ut  mihi  gaudium  tuum  commune  esset.  Sed  quando  ita  Domino  nos  exercere  placet,  curas,  quae  te  publica  ecclesiae  causa  angunt,  inter  nos  communicari  molestum  esse  non  debet.  Utinam  vero  ad  te  iuvandum  facultas  voto  par  suppeteret.  Caeterum  quidquid  in  me  est  operae  ac  subsidii,  libenter  tibi  impertiar.  Mennonis  doctrina,  quam  ex  deliriis  Manichaeorum  hausit,  mihi  non  erat  incognita.  Fallacias  non  ita  penitus  tenebam:  quibus  ut  obviam  eas,  fatendum  est  ac  dilucide  explicandum,  sicuti  te  fecisse  non  dubito,  Christum  Deum  manifestatum  in  carne,  verum  esse  Dei  filium.  Et  quanquam  nomen  filii  propric  in  divinam  naturam  competit,  et  ad  eam  refertur,  hominem  tamen  illum  ex  virgine  genitum  proprie  filium  vocari.  Quia  quatenus  mediator  est  et  caput  ecclesiae  Deus  et  homo,  filium  Dei  natura  esse  oportet,  ut  adoptionis  gratia  nos  sibi  coniungat.  Caeterum  inde  praepostere  colligitur,  genitum  esse  hominem  ex  patris  semine:  quia  propter  arcanam  sacramque  unionem  divinitatis  cum  carne,  totus  Christus  vere  dicitur  filius,  sicuti  praecipue  ex  Pauli  verbis  primo  ad  Romanos  capite  (v.  3,  4),  item  etiam  nono  (v.  5)  liquet.  Quibuscunque  enim  cavillis  ludat  Menno,  perspicuus  est  sensus,  filium  Dei  esse  ex  semine  Davidis  secundum  carnem.  Item,  Christum,  qui  Deus  est  benedictus  in  saecula,  ex  Iudaeis  originem  trahere  secundum  carnem.  Itaque  frustra  locos  arripit,  ubi  vocatur  Christus  homo  Dei  filius:  quia  in  totam  Christi  personam  nomen  hoc  merito  confertur.  Quod  autem  e  coelo  venisse  Christus  dicitur,  et  a  patre  exiisse,  ad  carnis  essentiam  perperam  trahitur.  Quia  etsi  inde  colligere  licet  Christum  verum  esse  Deum,  hoc  tamen  non  tam  de  substantia  sua,  quam  de  officio  praedicat:  quia  testari  vult  nihil  se  tradere  nisi  divinum.  1)  JEJpp.  et  Resp.  ed.  Genev.  p.  298,  Laus  p.  590,  Hanov.  p.  661,  Chouetp.  408,  Amst  p.  186.  Pertinere  videtur  ad  a.  1556.