9:166  dere  cupio.  Si  a  reliquis  discipulis  hac  nota  discernitur  Iudas,  quod  non  comederit  panem  Dominum,  sequitur  nihil  praeter  nudum  symbolum  sumpsisse.  Atque  utinam  uncia  saltem  sanae  mentis  esset  Westphalo,  ut  quae  recitat  Augustini  verba  expenderet.  Duplicem  illam  communicationem  nusquam  clarius  distingui  asserit  quam  in  hac  sententia:  Tunc  vita  unicuique  erit  corpus  et  sanguis  Christi,  si  quod  in  sacramento  visibiliter  sumitur,  in  ipsa  veritate  spiritualiter  manducetur.  l)  Ego  vero  adeo  libenter  amplector  hunc  locum  ut  eo  solo  ad  refellendam  Westphali  inscitiam'2)  sim  contentus.  Spiritualis  manducatio  ita  a  Westphalo  despicitur  ut  haeresim  exsecrandam  esse  existimet  in  ea  sola  insistere.  Cur  enim  tam  atrociter  in  nos  invehitur,  et  gladio  magis  quam  stylo  corrigendos  esse  clamitat,  nisi  quia  in  spirituali  manducatione  [pag.  75]  acquiescimus?  Iam  igitur  videndum  quaenam  sit  altera  manducatio,  sine  qua,  secundum  istos  censores,  nemo  vel  in  coelo  vel  in  terra  salvus  esse  potest.  Visibilem  Augustinus  esse  respondet.  Quibus  unquam  oculis  Westphalus  quam  fingit  substantiae  Christi  ingurgitationem  aspexit?  Atqui  Augustinus  quidquid  praeter  spiritualem  esum  in  sacramento  percipitur,  visibiliter  sumi  docet.  Oculos  ergo  aperiat  Westphalus,  ut  tandem  quid  valeat  sacramentalis  manducatio  agnoscat.  Excipit  Westphalus,  sacramentum  non  fore  integrum,  nisi  edatur  corpus  Christi.  Quasi  vero  minus  ideo  verax  sit  Christus,  quia  respuunt  increduli  quod  ipse  offert.  Fatemur  enim  dignis  simul  et  indignis  corpus  suum  offerre:  nec  ullius  hominis  pravitate  fieri  quin  panis  verum  sit  et  exhibitivum,  ut  loquuntur,  carnis  Christi  pignus  :  sed  ab  omnibus  promiscue  recipi  nimis  absurda  est  fatuaque  [pag.  76]  illatio.  Sicuti  et  ratiocinatio  ista  Westphali:  Quae  verbo  suo  Dominus  pronunciat  esse,  ea  vere  sunt,  ergo  corpus  Christi  ab  impiis  sub  pane  sumi  oportet.  Quis  enim  nescit  exitialem  fuisse  apostatis  Christi  doctrinam,  quibus  nimis  dura  visa  est?  Protulit  tamen  ipse  ore  suo:  Verba  quae  loquor  vobis,  spiritus  et  vita  sunt  (Ioann.  6,  63).  Sed  ne  longius  morer  lectores,  sufficiat  praeclara  clausula  huius  partis,  ubi  dicit  Westphalus  rem  sacramenti  Augustino  esse  non  corpus  et  sanguinem  Domini,  sed  veritatem,  gratiam  et  fructum.  Sic  ipse  ad  verbum.  Si  ita  est,  certe  de  nihilo  litigat,  et  extra  rem  nescio  quid  imaginarium  quaerit.  Iam  si  veritas  sacramenti  non  est  corpus  et  sanguis,  cur  nos  ubique  falsarios  vocat,  praesertim  quum  fateri  cogatur  nihil  nos  de  hac  sacramenti  veritate  minuere?  Tertium  caput  quod  refutandum  suscepit  hoc  est:  Sic  nos  communicare  carni  et  sanguini  [pag.  77]  1)  Serm.  2  de  verbis  Apostoli.  2)  Tasnerie  et  l'ignorance.  l  l*