7:166  Cest  que  Dieu  donne  efficace  a  Sathan,  de  les  transporter  par  tout  ou  bon  luy  semble.  Voila  en  brief  les  causes  principales,  pourquoy  Quintin  et  ses  complices  ont  une  si  longue  sequelle  a  leur  queue.  Au  reste  ie  no  nie  pas  que  l'astuce  dont  ilz  y  vont,  [page  40]  ne  les  ayde  beaucoup.  Oar  du  commencement  ilz  parlent  un  langage  si  estrange,  que  les  simples  gens  sont  ravis  apres  eux,  se  confians  qu'ilz  les  doivent  eslever  iusque  au  ciel  avec  les  Anges:  *)  et  tiennent  en  cest  estat  leurs  auditeurs  long  temps  suspens,  iusque  a  ce  qu'ilz  les  ayent  ensorcelez,  pour  leur  faire  a  croire  que  vessies  sont  lanternes.  2)  II  est  certain  que  par  ce  moyen  ilz  en  ont  enveloppe  beaucoup.  Car  ilz  pourmenent  ca  et  la  de  longue  main  ceux  qui  sont  aysez  a  conduire,  les  estonnant  de  ce  gergon  obscur,  auquel  on  n'entent  rien:  et  quasi  eblouissant  leurs  yeux,  tellement  qu'ilz  n'y  voyent  plus  ne  blanc  ne  noir.  Toutesfois  estans  d'une  si  grosse  ignorance,  et  mettant  en  avant  resveries  tant  lourdes  et  absurdes,  iamais  ilz  ne  profiteroyent  comme  ilz  font,  a  gaigner  gens,  sinon  que  nostre  Seigneur  voulsist  punir  ceux  qui  s'y  laissent  attrapper,  les  iectant  en  sens  reprouve,  d'autant  qu'ilz  ne  se  sont  voulu  tenir  a  luy  n'a  sa  doctrine.  Il  y  a  finablement  une  cause  specialle,  qui  attouche  aux  [page  41]  Princes,  ou  Seigneurs  qui  gouvernent  en  leur  nom,  et  a  toutes  gens  de  iustice.  C'est  que  d'autant  qu'ilz  s'efforcent  d'empescher  que  la  saine  doctrine  de  Dieu  n'entre  en  Iours  pays,  et  en  persecutant  ceux  qui  l'annoncent  ou  donnent  les  moyens  de  parvenir  a  la  congnoissance  d'icelle,  taschent  de  l'abolir  et  esteindre,  et  la  repoulsent  en  arriere,  tant  qu'ilz  peuvent  par  tous  moyens:  nostre  Seigneur  les  punist,  en  faisant  que  leurs  pays  soyent  infectez  de  ceste  vermine.  Et  n'est-ce  pas  bien  raison,  que  puis  qu'ilz  reiectent  la  benediction,  au  lieu  d'icelle  la  malediction  leur  advienne?  Ilz  n'y  pensent  pas,  et  leur  semble  bien  advis,  qu'avec  feu  et  glaive  ilz  viendront  bien  a  bout  de  leur  entreprinse.  Mais  ilz  s'abusent.  Car  quelques  choses  qu'ilz  machinent  et  facent,  la  parolle  de  Dieu  sera  la  plus  forte,  pour  surmonter  ou  rompre  tous  les  empeschemens  qu'ilz  mettront  au  devant,  pour  luy  coupper  le  chemin:  et  l'Eglise  au  milieu  des  persecutions  croistra.  Ce  pendant  Dieu  [page  42]  fera  de  plus  en  plus  pulluler  des  sectes  meschantes  en  leurs  pays,  pour  gaster  et  corrompre  tous  leurs  subiectz,  iusqu'a  ce  qu'ilz  en  viennent  a  une  confusion,  a  laquelle  homme  vivant  ne  pourra  remedier.  Car  d'y  proceder  par  tel  conseil  qu'ilz  font,  c'est  de  punir  indifferemment  tous  ceux  qui  contreviendront  aux  1)  ut  rapiantur  idiotae,  credentes  se  in  coelos  sublatum  in.  2)  umbram,  quod  dici  solet,  esse  arborem.  l  l*