55:166  nullum  fore  finem  si  singulis  insistat:  quum  id  ipsum,  quod  de  paucis  narravit,  ad  totam  Dei  ecclesiam  pertineat.  Ac  primum  quidem  medium  illud  tempus  inter  Iosue  et  Davidem  designat,  quo  Dominus  iudices  excitavit  ad  gubernandum  populum:  quales  fuerunt  quatuor  isti  de  quibus  meminit,  Gedeon,  Barac,  Samson  et  Iephte.  Ridiculum  sane  erat,  Gedeonem  cum  trecentis  hominibus  ingentem  hostium  exercitum  aggredi:  lagenas  manibus  concutere,  plus  quam  inane  erat  terriculamentum.  Barac  longe  impar  erat  hostibus,  et  tantum  mulieris  unius  consilio  regebatur.  Samson  homo  rusticanus,  et  qui  non  aliis  quam  agriculturae  armis  se  exercuerat,  quid  poterat  contra  tam  superbos  victores,  quorum  potentia  subactus  fuerat  totus  populus?  Quis  Iephte  facinus  initio  temeritatis  non  damnasset,  qui  vindicem  populi  iam  deplorati  se  profitetur?  Sed  quoniam  Deum  omnes  sequuntur  ducem,  et  eius  promissione  animati  iniunctum  sibi  munus  suscipiunt,  spiritus  sancti  testimonio  ornantur.  Ergo  quidquid  laudabile  gesserunt,  fidei  apostolus  tribuit,  q  uam  q  u  am  nullus  est  eorum  cuius  fides  non  claudicaverit.  Gedeon  ad  arma  sumenda  tardior  est  quam  par  sit,  nec  se  Deo  committere,  nisi  difficulter,  audet.  Barac  initio  trepidat,  ut  fere  convitiis  Delborae  sit  cogendus.  Samson  concubinae  blanditiis  victus  suam  et  totius  populi  salutem  inconsiderate  prodit.  Iephte  in  concipiendo  stulto  voto  praeceps,  in  solvendo  nimis  pertinax,  pulcherrimam  victoriam  crudeli  filiae  suae  morte  deformat.  Ita  in  omnibus  sanctis  semper  invenietur  aliquid  reprehensibile.  Fides  tamen  etiamsi  mutila  sit  ac  imperfecta,  Deo  probari  non  desinit.  Quare  non  est  quod  nos  frangant  vel  exaniment  vitia  quibus  laboramus,  modo  fide  pergamus  in  vocationis  nostrae  stadio.  De  David.  Sub  nomine  Davidis  complectitur  omnes  pios  reges,  quibus  Samuelem  et  prophetas  adiungit.  Proinde  in  summa  docere  vult,  regnum  Iuda  in  fide  fuisse  fundatum,  et  fide  ad  extremum  stetisse.  Vulgo  notae  erant  plurimae  Davidis  victoriae,  quas  de  hostibus  reportaverat.  Nota  erat  Samuelis  integritas,  et  summa  virtus  in  gubernando  populo.  Nota  erant  Dei  beneficia  quibus  sanctos  prophetas  ac  reges  prosequutus  fuerat.  Apostolus  affirmat  nihil  horum  esse,  quod  non  fidei  acceptum  referri  debeat.  Porro  ex  innumeris  Dei  beneficiis  quaedam  duntaxat  attingit,  ut  inde  generaliter  colligant  Iudaei,  quemadmodum  semper  Dei  manu  conservata  fuit  ecclesia  per  fidem,  sic  neque  hodie  aliam  rationem  esse  qua  illa  erga  nos  beneficum  sentiamus.  David  toties  victor  rediit  domum,  Ezechias  ab  infirmitate  convaluit,  Daniel  ex  fovea  leonum  salvus  et  intactus  emersit,  socii  eius  in  camino  ardenti,  non  secus  ac  in  rosido  prato,  laeti  ambularunt.  Horum  omnium  si  causa  fuit  fides,  ll*