52:166  praeferre  suum  vel  humanum,  sed  Dominum  esse  autorem.  Probabile  autem  est,  sermonem  Domini  vocari  sumptum  ex  eius  concionibus.  Tametsi  enim  ex  revelatione  didicerat  Paulus  omnia  regni  coelestis  arcana:  hoc  tamen  ad  fidem  resurrectionis  adstruendam  aptius  erat  apud  fideles,  quum  referret  quae  proprio  Christi  ore  prodita  fuerant  :  ac  si  diceret,  non  primi  exstitimus  resurrectionis  testes,  sed  magister  ipse  eam  asserit.  Nos  qui  vivemus.  Hoc  ideo  dictum  est,  ne  putarent  eos  solos  resurrectionis  fore  compotes,  qui  usque  ad  Christi  adventum  superstites  forent:  alienos  vero  ab  ea  esse  qui  prius  morte  sublati  essent.  Ab  illis,  inquit,  resurrectionis  ordo  incipiet:  non  ergo  nos  sine  illis  resurgemus.  Hinc  apparet  tenuem  et  obscuram,  variisque  erroribus  implicitam  fuisse  fidem  ultimae  resurrectionis  apud  nonnullos,  quum  fingerent  mortuos  ea  privatos  esse.  Vitam  enim  aeternam  ad  eos  solos  pertinere  imaginabantur,  quos  Christus  ultimo  adventu  vivos  adhuc  in  terris  deprehenderet.  His  erroribus  ut  medeatur  Paulus,  priorem  mortuis  ordinem  assignat:  deinde  sequuturos  docet  qui  tunc  in  vita  hac  restabunt.  Quod  autem  in  prima  persona  loquens,  se  quasi  unum  facit  ex  eorum  numero,  qui  usque  ad  diem  extremum  victuri  sunt:  eo  vult  Thessalonicenses  in  exspectatione!��  erigere,  adeoque  pios  omnes  tenere  suspensos,  ne  sibi  tempus  aliquod  promittant.  Nam  ut  demus  ipsum  ex  peculiari  revelatione  scivisse  venturum  aliquanto  serius  Christum:  hanc  tamen  ecclesiae  communem  doctrinam  tradi  oportuit,  ut  fideles  omnibus  horis  parati  essent.  Interea  simul  ansam  curiositati  multorum  praecidi  oportuit,  quod  prolixius  deinde  faciet.  Caeterum  quum  dicit,  nos  qui  sumus  superstites,  tempus  praesens  loco  futuri  more  hebraico  usurpat.  16.  Quoniam  ipse  Dominus.  Ponit  vocem  xs-  XeuajJiaTOc:  mox  subiungit  vocem  a  r  c  h  a  n  g  e  l  i  ,  expositionis  vice,  significans  qualis  futurus  sit  ille  hortatorius  clamor:  nempe  quod  archangelus  praeconis  fungetur  officio,  ut  citet  vivos  et  mortuos  ad  Christi  tribunal.  Quamquam  enim  hoc  angelis  om*  nibus  commune  erit,  tamen,  ut  in  ordinibus  fieri  solet,  primarium  unum  statuit  qui  aliis  praecinat.  Caeterum  de  tuba  relinquo  aliis  subtilius  disserendum:  neque  enim  aliud  habeo,  quam  quod  iu  priorem  ad  Corinthios  breviter  attigi.  Certe  non  aliud  fuit  hoc  loco  apostoli  consilium  quam  magnificam  et  reverentiae  plenam  iudicis  speciem  gustandam  praebere,  donec  eam  plene  cernamus.  Hoc  gustu  interea  contentos  esse  nos  decet.  Mortui,  qui  in  Christo.  Iterum  asserit  mortuos,  qui  in  Christo  sunt,  hoc  est,  in  Christi  corpore  continentur,  priores  resurrecturos:  ut  sciamus  non  illis  minus  quam  vivis  repositam  esse  in  coelo  spem  vitae.  De  reprobis  tacet,  quia  nihil  hoc  ad  piorum  ll*