50:166  et  nunc  abrogatas  esse  Christi  adventu:  quia  sit  ipsarum  veritas  et  finis.  Quare  in  eo  manendum  esse  docet.  Ubi  etiam  breviter  attingit,  quid  a  conditione  patrum  nostra  differat.  Unde  sequitur,  perversam  et  noxiam  esse  doctrinam  pseudoapostolorum  quae  evangelii  claritatem  veteribus  umbris  obscuret.  Doctrinae  admiscet  quasdam  exhortationes  ad  movendos  affectus.  Circa  finem  capitis  pulchra  allegoria  suam  disputationem  exornat.  Quinto  capite  hortatur  ad  retinendam  libertatem  Christi  sanguine  acquisitam,  ne  conscientias  suas  hominum  placitis  illaqueandas  tradant.  Sed  interea  simul  admonet  quis  legitimus  sit  libertatis  modus.  Atque  hac  occasione  quae  vera  sint  Christianorum  exercitia,  ostendit:  ne  caeremoniis  frustra  occupati,  quae  praecipua  sunt,  negligant.