42:166  moiens  certains,  selon  qu'il  connoist  estre  convenable,  comme  les  afflictions  sont  les  moiens  qu'il  ha  pour  nous  blanchir  et  nettoier.  Il  est  vray  que  les  afflictions  de  leur  nature  ne  peuvent  point  faire  cela,  comme  de  fait  il  nous  est  bien  monstre  en  ce  que  les  meschans  empirent,  et  qu'ils  ne  s'amendent  point.  Dieu  donc  nous  purge  et  nettoie  par  son  S.  Esprit,  et  le  tout  en  vertu  du  sang  de  nostre  Seigneur  Iesus  Christ,  mais  tant  y  ha  que  les  afflictions  sont  moiens  inferieurs,  desquels  il  use  a  cette  fin  la,  et  ainsi  donc,  endurons-nous  maladies,  pauvretes,  pestes,  guerres,  et  autres  choses  semblables?  sommes-nous  persecutes  des  meschans,  nous  fait-on  tort  et  iniure?  c'est  Dieu  qui  nous  met  a  la  buee:  il  est  vray  que  les  afflictions  nous  seront  ameres,  et  aussi  quand  on  voudra  nettoier  du  linge,  on  le  fcra  passer  par  la  cendre,  il  faudra  qu'il  soit  comme  racle,  et  qu'il  soit  la  eschaude,  et  ce  fait,  encores  ne  sera-ce  point  asses  qu'il  soit  ainsi  buie,  mais  il  faudra  qu'on  le  face  plusieurs  fois,  et  qu'il  soit  mis  d'eau  en  eau,  et  faut  que  puis  apres  il  soit  tors.  Ainsi  Dieu  nous  fait  passer  par  la  buee,  toutes  fois  et  quantes  qu'il  nous  afflige.  La  raison?  C'est  pour  ce  que  nous  sommes  pleins  d'ordures  de  nous-mesmes,  car  toutes  les  cupidites  de  nostre  chair  ne  sont  sinon  autant  d'infections  puantes:  il  faut  donc  que  Dieu  nous  lave,  c'est  ce  que  le  prophete  ha  ici  declare,  voire  selon  qu'il  avoit  ouy  de  la  bouche  du  fils  de  Dieu,  Que  plusieurs  seront  nettoies  et  blanchis,  et  ainsi  que  cette  sentence  soit  engravee  en  nos  ames,  que  toutes  fois  et  quantes  qu'il  nous  fera  mal  d'estre  tourmentes,  que  nous  aurons  des  afflictions  et  des  fascheries  qui  ne  nous  plaisent  point,  mais  qu'elles  soient  pour  nous  contrister,  aprenons  de  reduire  en  memoire  ce  qui  est  ici  dit,  car  cela  est  suffisant  pour  nous  faire  trouver  les  afflictions  bonnes,  puis  qu'elles  tendent  a  nostre  salut,  et  aussi  advisons  que  quand  un  homme  seroit  du  tout  blanchi,  et  que  Dieu  l'auroit  purge  pleinement,  si  est-ce  qu'il  est  impossible  qu'en  passant  par  ce  monde  nous  ne  cueillions  iournellement  des  ordures,  et  si  Dieu  les  laissoit  la  sur  nous,  elles  seroient  pour  nous  faire  perir  du  tout,  Voila  un  linge  qui  pourra  estre  bien  blanc,  quand  il  aura  passe  par  la  buee,  mais  quoy?  si  on  le  fait  aller  parmi  la  maison,  qu'on  le  mette  en  usage,  il  attirera  une  tache  d'un  coste,  de  la  gresse  de  l'autre,  de  l'ordure  de  l'autre,  et  quand  il  sera  ainsi  salle  et  ord,  la  gresse  le  mineroit,  et  la  vermine,  sinon  qu'il  fust  blanchi  de  rechef:  il  est  vray  que  cette  comparaison  ici  n'est  pas  du  tout  convenable,  car  il  n'y  ha  nul  de  nous  qui  se  trouve  blanc  comme  un  linge  quand  il  aura  passe  par  la  buee,  nous  retiendrons  tousiours  ie  ne  scai  quoy  de  tache  et  ordure,  encores  que  Dieu  nous  ait  fait  passer  par  mille  buees,  mais  encores  que  nous  fussions  blancs,  ll*