29:166  malice  il  a  fallu  qu'elles  leur  fussent  converties  en  mal  et  en  ruine.  Et  en  cela  voyons-nous  comme  les  hommes  sont  si  pervers  qu'ils  changent  tout  ce  que  Dieu  avoit  institue  pour  leur  salut:  et  quand  il  les  benit,  qu'ils  tournent  sa  benediction  en  malheur:  quand  il  offre  la  vie,  qu'ils  la  convertissent  en  mort:  que  non  seulement  ils  obscurcissent  la  clarte,  mais  ils  la  tournent  du  tout  en  tenebres.  Or  qu'estil  advenu  de  la  lignee  d'Ephraim?  Elle  est  eslevee  comme  par  miracle,  et  contre  l'ordre  de  nature,  cela  estoit  seulement  de  la  benediction  de  Dieu.  Mais  cependant  elle  a  este  cause  que  le  corps  a  este  rompu  et  deschire,  que  le  service  de  Dieu  est  corrompu  et  perverti,  que  l'idolatrie  a  regne  en  la  terre  saincte,  que  Dieu  a  este  fraude  et  despouille  de  son  heritage,  quand  toutes  ces  infections  sont  survenues.  Et  puis  il  y  a  eu  toute  malheurto  quant  et  quant:  qu'ils  se  sont  mangez  comme  chiens  et  chats,  qu'il  y  a  des  inimitiez  mortelles  entre  ces  deux  royaumes  de  Iuda  et  d'Israel,  tellement  qu'ils  sont  allez  cercher  aide  des  Payens  et  incredules  pour  se  ruiner  les  uns  les  autres:  ne  falloit-il  pas  qu'il  y  eust  une  rage  diabolique?  Et  tout  cela  est  venu  de  la  lignee  d'Ephraim.  Si  on  dit  que  la  benediction  de  Dieu  en  a  este  cause:  encores  on  voit  en  cela  double  malice.  Car  plustost  ils  devoyent  estre  incitez  a  magnifier  le  Nom  de  Dieu,  a  cheminer  en  sa  crainte,  veu  qu'il  les  avoit  si  grandement  obligez  a  luy:  mais  ils  out  perverti  ce  bien,  comme  nous  avons  monstre,  et  ainsi  il  a  fallu  que  toutes  ces  benedictions  leur  ayent  este  ostees:  et  non  seulement  cela,  mais  qu'elles  leur  ayent  este  occasion  de  ruine:  combien  qu'elles  n'en  fussent  point  cause,  tant  y  a  que  l'occasion  en  a  este.  Voire,  mais  cependant  si  faut-il  que  la  coulpe  leur  soit  imputee,  pource  que  c'ont-ils  este  qui  ont  change  l'ordre  de  Dieu.  Que  faut-il  donc?  Cognoissons  quand  Dieu  nous  aura  repeus  grassement  en  ce  monde,  que  nous  aurons  tous  les  fruicts  de  la  terre,  que  nous  serons  mesmes  comme  enyvrez  de  delices:  sinon  que  nous  ayons  le  principal,  que  cela  nous  sera  bien  cher  vendu.  N'estimons  point  donc  tant  les  biens  temporels  et  caduques,  que  nous  ne  regardions  tousiours  au  principal:  c'est  que  Dieu  nous  recoyve  pour  ses  enfans,  que  nous  demeurions  sous  sa  conduite,  que  nous  l'invoquions  comme  nostre  pere,  voire  en  verite  et  sans  feintise,  ayans  vrayement  nostre  recours  a  luy,  nous  s  ah  mettans  du  tout  a  sa  volonte,  sachans  que  si  tost  que  nous  en  sommes  separez  tant  peu  que  ce  soit,  qu'il  n'y  peut  advenir  que  malheur  et  confusion  sur  nous.  Et  ainsi  prisons  les  biens  caduques  que  Dieu  nous  fait  en  ce  monde  :  mais  prison  sles  en  leur  degre,  que  nous  ne  soyons  point  la  attachez,  que  ce  ne  soit  nostre  principal  desir:  ei  Dieu  nous  en  donne,  que  nous  en  iouyssions  en  ll*