27:166  soit  receue,  et  qu'il  preside  sur  son  peuple,  et  que  sans  contredit  il  commande  de  qu'il  voudra,  et  qu'on  luy  obeisse.  Voila  donc  le  fondement  de  la  vraye  religion,  c'est  assavoir  que  nous  ne  disions  point:  II  me  le  semble,  ie  cuide,  ie  voudroye,  cela  est  beau  :  mais  que  Dieu  ait  parle,  et  que  nous  soyons  certifiez  que  nous  ne  faisons  rien  sinon  ce  qu'il  approuve.  Et  c'est  ce  qu'il  dit:  Qu'obcissance  vaut  mieux  envers  luy  que  tous  sacrifices.  Et  de  faict,  luy  saurions-nous  faire  plus  grand  honneur,  que  d'acquiescer  a  sa  parolle,  souffrir  qu'elle  nous  gouverne,  et  que  nous  soyons  comme  povres  aveugles,  iusques  a  tant  qu'il  nous  ait  illuminez,  et  qu'il  nous  ait  monstre  le  chemin?  Et  tous  ceux  qui  suyvent  leurs  devotions  propres,  ils  despouillent  Dieu  de  sa  maistrise,  et  ne  luy  attribuent  nulle  reverence.  C'est  donc  bastir  en  l'air,  et  il  n'y  a  que  confusion.  Et  pourtant  poisons  ce  mot  d'Elire,  afin  d'estre  resolus  en  cela,  qu'il  n'y  a  que  Dieu  qui  ait  authorite  de  donner  reigle  comme  on  le  doit  honorer  et  servir.  Et  puis  encores  il  adiouste  de  toutes  tes  lignees.  Or  ici  le  peuple  pouvoit  estre  tente  d'une  ialousie  :  comme  nous  savons  qu'un  chacun  attire  volontiers  a  soy,  et  que  quand  un  autre  est  prefere,  il  nous  en  fait  mal,  et  en  sommes  faschez.  Or  ceci  pouvoit  estre  entre  les  Iuifs.  Voila  le  pays  de  Canaan  qui  est  distribue  en  douze  lignees  :  car  la  lignee  de  Ioseph  en  fait  deux,  et  les  Levites  n'ont  point  de  portion.  Mais  cependant  voila  douze  lignees  qui  ont  chacune  leur  portion  comme  en  heritage:  Dieu  declaire  que  son  tabernacle  soit  situe  en  Ierusalem,  que  la  on  bastisse  son  temple  sur  la  montagne  de  Sion.  Or  voici  les  autres  qui  pouvoyent  alleguer:  Comment?  Ne  sommesnous  pas  enfans  d'Abraham?  avec  qui  est-ce  que  Dieu  a  fait  son  alliance?  N'avons-nous  pas  un  parentage  commun?  Et  pourquoy  est-ce  que  la  lignee  de  Iuda  sera  ici  preferee  a  nous?  Et  mesmes  ce  n'est  pas  le  premier-  nay.  La  primogeniture  luy  app  ar  tient-elle?  Et  pourquoy  sera-il  plus  honore  que  tous  les  autres?  Et  d'ou  luy  viendra  ce  privilege?  Voila  donc  comme  la  chose  pouvoit  estre  debatue.  Et  aussi  on  pouvoit  alleguer  que  l'arche  devoit  estre  portee  chacun  mois  de  l'an,  par  chacune  des  douze  lignees:  il  y  a  douze  mois  en  l'an,  et  nous  sommes  douze  lignees,  il  faut  donc  commencer  selon  l'ordre  par  la  primogeniture,  et  qu'un  chacun  selon  son  ordre  suyve  pour  porter  l'arche.  Et  n'estce  pas  raison?  Voila  donc  que  pouvoyent  alleguer  les  autres  lignees,  voyans  que  celle  de  Iuda  estoit  preferee  a  toutes  les  autres.  Mais  Moyse  coupe  broche  a  tout  cela,  et  dit:  C'est  a  ton  Dieu  de  choisir,  et  de  commander  ce  que  bon  luy  semble:  comme  aussi  il  en  est  parle  au  Pseaume,  qu'il  est  vray  que  la  terre  de  Canaan  estoit  sanctifiee,  l  l  *