9:165  165  AD  WESTPHALUM.  166  dierum  in  dominica  mensa  praeparatur,  et  de  mensa  dominica  sumitur,  quibusdam  ad  vitam,  quibusdam  ad  exitium.  Res  vero  ipsa,  cuius  et  sacramentum  est,  omni  homini  ad  vitam,  nulli  ad  exitium  quicunque  eius  particeps  fuerit.  Certe  ubi  de  re  signi  huius  agitur,  nemo  sanae  mentis  arcanam  carnis  et  sanguinis  Christi  communionem  excludet.  Eam  Augustinus  negat  communem  esse  incredulis.  Unde  sequitur,  dum  sibi  oblatam  respuunt,  nihil  praeter  nudum  signum  sibi  reliquum  facere.  Id  quo  propius  liqueat,  qui  simpliciter  definiunt  nos  spiritualiter  edere  Christi  carnem,  eiusque  sanguinem  bibere,  dum  eius  morte  expiata  esse  peccata  nostra  credimus,  ut  Deo  reconciliati  haeredes  simus  vitae  aeternae,  eos  nimis  stricte  et  concise  loqui  non  dissimulo:  quia  ab  altiore  principio  [pag.  72]  manat  haec  fides  :  si  Christus  caput  nostrum  sit,  et  in  nobis  habitans  vitam  nobis  suam  communicat.  Neque  enim  ab  eo  quidquam  nobis  sperandum  ost,  donec  in  eius  corpus  coaluerimus.  Atque  haec  integra  est  sacrae  coenae  veritas,  ut  Christus  nos  insorendo  in  corpus  suum,  non  modo  participes  faciat  corporis  et  sanguinis  sui,  sed  vitam,  cuius  in  ipso  residet  plenitudo,  in  nos  inspiret  :  quia  non  alium  in  finem  comeditur  eius  caro,  nisi  ut  sit  vivifica.  Doctrinam  hanc  per  mille  Westphalos  convellere  Satan  frustra  molietur.  Nam  quod  apud  Augustinum,  ubi  dicit,  nullos  vere  et  re  ipsa  carnem  C  hristi  comedere,  nisi  qui  inipso  manent,  istas  discretionis  particulas  non  ad  veritatem  corporis,  sed  ad  veritatem  communicationis  referri  contendit  Westphalus,  nugatorium  *)  est.  Quum  aperte  neget  Augustinus  re  ipsa  Christi  carnem  manducare,  nisi  qui  viva  fide  praediti  in  eo  manent:  quid  hoc  sibi  vult  corporis  [pag.  73]  veritatem  non  negari,  sed  tantum  veram  communicationem?  Sed  hoc  est  scilicet:  portenta  verborum  res  prodigiosae  secum  trahunt.  Concedit  Westphalus  non  communicare  Christo,  qui  tamen  vere  corpus  eius  devorant.  Nam  corporis  veritas  apud  ipsum  nihil  aliud  est  quam  substantialis  ingurgitatio.  Communicatio  autem  est  spiritualium  donorum  fruitio,  quae  nobis  a  Christo  proveniunt.  Ego  autem  scire  velim  quorsum  nos  in  coena  Christus  ad  carnis  suae  et  sanguinis  participationem  invitet,  nisi  ut  animas  nostras  pascat.  Desinat  nobis  Christi  corpus  esse  alimentum:  quid  ipsum  deglutire  proderit?  Eodem  artificio  nodum  abrumpit  quem  solvere  non  poterat,  locum  illum  Augustini  eludens,  ubi  docet,  Iudam  comedisse  panem  Domini,  quum  alii  comederent  panem  Dominum.  Duplex,  inquit,  manducatio  illic  notatur.  Hoc  quidem  perspicuum  est.  Sed  quod  Iudam  substantialiter  Christum  [pag.  74]  comedisse  dicit,  hoc2)  quomodo  Augustini  verbis  conciliet  vi-  1)  resverie  et  baverie.  2)  ces  fleustes  la.