7:165  165  DES  LIBERTINS.  1GG  tres  ayans  eu  quelque  commencement  en  la  pure  doctrine  de  l'Evangile,  en  avoyent  abuse,  non  seulement  comme  d'une  science  profane,  mais  aussi  pour  se  lascher  la  bride,l)  a  une  licence  charnelle,  et  a  mener  vie  dissolue:  2)  ou  bien,  congnoissans  que  l'Evangile  ne  leur  permettoit  pas  cela,  ains  plustost  estoit  une  bride  pour  les  retenir,  desiroyent  de  trouver  quelque  retraicte,  en  laquelle  il  leur  fust  loisible  de  se  desborder  en  toute  turpitudo.  Et  de  faict,  quasi  tous  les  disciples  de  ceste  secte,  sont  comprins  en  ces  deux  especes:  c'est  a  dire  que  ce  sont  phantastiques,  qui  ne  demandent  qu'a  remuer  questions  extravagantes,  et  prennent  tout  leur  plaisir  a  s'amuser  en  choses  inutiles:  ou  que  ce  sont  gens  profanes,  qui  se  sont  lassez  de  porter  le  ioug  de  Iesus  Christ,  et  sur  cela  ont  cherche  d'endormir  leurs  consciences,  a  fin  de  servir  a  Sathan  sans  aucun  [page  38]  remors  ne  scrupule.  Mais  encor  on  pourra  demander  comment  il  se  peut  faire,  que  ceux  qui  mettent  leur  estude  a  s'enquerir  plus  outre  qu'il  ne  leur  appartient  de  savoir,  se  laissent  ainsi  abrutir  en  deh  follies  tant  pueriles,  desquelles  le  plus  rude  et  le  plus  grossier  du  monde  ne  seroit  point  deceu.  Mesme  il  semble  advis  estrange,  que  ceux  qui  cherchent  de  s'eslongner  de  Dieu  pour  vivre  a  leur  poste,  puissent  acquiescer  a  des  resveries  tant  absurdes.  A  cela  ie  respons,  que  c'est  une  iuste  vengeance  de  Dieu,  qui  les  met  ainsi  en  sens  reprouve,  pour  ne  differer  en  rien  d'avec  les  bestes,  sinon  qu'ilz  retiennent  la  figure  d'hommes.  Et  de  faict  quel  deshonneur  font  a  Dieu  les  premiers,  de  chercher  questions  nouvelles  a  travers  champs,  comme  si  ceste  sagesse  celeste  qu'il  nous  revele  en  l'Evangile,  estoit  trop  simple  et  trop  basse  pour  eux?  N'est  ce  pas  bien  raison,  puis  que  Dieu  ne  leur  est  pas  suffisant  pour  maistre,  qu'il  les  livre  a  Sathan,  et  les  envoye  a  son  eschole?  Quand  leur  [page  39]  entendement  ne  se  peut  contenir  entre  les  limites  de  la  verite,  ne  faut  il  pas  que  il  entre  en  un  labyrinthe  de  toutes  deceptions,  ou  il  n'y  ait  ne  sentier  n'adresse?  Et  ceux  qui  ont  abuse  de  la  doctrine  de  l'Evangile  en  occasion  de  se  desbaucher,  ou  ne  l'ont  peu  porter  comme  trop  austere,  ne  sont  ilz  pas  dignes  que  mesme  le  sens  naturel  leur  soit  oste  et  toute  discretion  du  bien  et  du  mal?  Congnoissons  donc,  que  c'est  ainsi  que  nostre  Seigneur  se  venge  de  l'outrage  qu'on  fait  a  sa  parolle,  ou  en  la  mesprisant  ou  en  la  polluant  par  mauvaise  vie.  Or  quand  les  hommes  se  sont  ainsi  exclus  de  la  parolle  de  Dieu,  laquelle  est  la  seule  clarte  pour  nous  guider  au  droict  chemin:  il  faut  que  la  sentence  donnee  par  S.  Paul  soit  executee  sur  eux.  1)  la  bride,  ces  deux  mots  manquent  dans  la  premiere  edition.  2)  flagitiosam  et  dissolutam.