56:165  165  LEVITIQUE.  166  sera  souillee  :  et  tout  bruvage  qu'on  boit  sera  souille  en  tout  vaisseau.  35.  Tout  ce  aussi  sur  quoy  il  cherra  quelque  chose  de  leur  charongne  sera  souille.  Le  four  et  la  cheminee  souillees,  seront  ruinees:  car  elles  vous  sont  souillees.  36.  Toutesfois  la  fontaine  ou  le  puis,  ou  autre  assemblee  d'eau  sera  nette.  Qui  touchera  donc  a  leur  charongne,  sera  souille.  37.  Et  s'il  est  cheut  de  leurs  charongnes  sur  quelque  semence  qui  se  seme,  elle  sera  nette.  38.  Mais  s'il  y  avoit  de  l'eau  sur  la  semence,  et  que  la  charongne  tombe  sur  icelle,  elle  vous  sera  souillee.  39.  Item,  si  quelque  beste  est  morte  de  celles  qui  vous  sont  pour  viande,  celuy  qui  touchera  sa  charongne  sera  souille  iusqu'au  vespre.  40.  Et  celuy  qui  aura  mange  de  la  charongne  d'icelle,  lavera  ses  habillemens,  et  sera  souille  iusqu'au  soir:  aussi  celuy  qui  portera  la  charongne,  lavera  ses  vestemens,  et  sera  souille  iusques  au  vespre.  41.  Tout  reptile  donc  se  trainant  sur  la  terre,  vous  sera  en  abomination  si  qu'on  n'en  mangera  point.  42.  De  tout  ce  qui  chemine  sur  la  poitrine,  et  tout  ce  qui  chemine  sur  quatre  pieds,  et  tout  ce  qui  a  plusieurs  pieds,  entre  tous  les  reptiles  qui  rampent  sur  la  terre,  vous  n'en  mangerez  point:  car  ils  sont  abomination.  43.  Ne  contaminez  point  vos  personnes  en  tous  reptiles  qui  rampent,  et  ne  vous  souillez  point  en  iceux,  et  n'y  soyez  pollus.  44.  Car  ie  suis  l'Eternel  vostre  Dieu.  Donc  vous-vous  eanctifierez,  et  serez  saincts:  car  ie  suis  sainct.  Ainsi  vous  ne  polluerez  point  vos  personnes  en  tout  reptile  qui  rampe  sur  la  terre.  45.  Car  ie  suis  l'Eternel  qui  vous  ay  fait  monter  de  la  terre  d'Egypte,  afin  que  ie  vous  soye  en  Dieu,  et  que  vous  soyez  saincts:  car  ie  suis  sainct.  46.  C'est  donc  la  loy  du  bestail  et  volaille,  et  toute  chose  ayant  vie  qui  se  meut  es  eaux,  et  toute  chose  rampant  sur  la  terre:  47.  Et  afin  de  discerner  le  souille  d'entre  le  net,  et  les  animaux  qu'on  peut  manger,  d'entre  les  animaux  desquels  on  ne  doit  manger.  Chapitre  XII.  1.  L'Eternel  parla  a  Moyse,  disant,  2.  Parle  aux  enfans  d'Israel,  et  leur  di,  Si  la  femme  apres  avoir  conceu  semence  enfante  un  masle,  elle  sera  souillee  sept  iours:  selon  le  temps  du  flux  de  ses  fleurs  elle  sera  souillee.  3.  Et  au  huitieme  iour  on  circoncira  la  chair  du  prepuce  d'iceluy.  4.  Puis  elle  demeurera  au  sang  de  sa  purification  par  trente  iours:  et  ne  touchera  a  nulle  chose  saincte,  et  ne  viendra  point  au  Sanctuaire,  iusques  a  ce  que  les  iours  de  sa  purification  soyent  accomplis.  5.  Que  si  elle  enfante  une  femelle,  elle  sera  souillee  deux  semaines,  selon  le  temps  de  son  flux,  et  demeurera  au  sang  de  sa  purification  soixante  iours.  6.  Apres  que  le  temps  de  sa  purification  sera  accompli,  soit  pour  fils  ou  pour  fille,  elle  presentera  au  Sacrifica-