52:165  165  CAPUT  IV.  16$  animas  dormire.  Tenemus  nunc  Pauli  mentem:  nempe  quod  fidelium  mentes  ad  considerandam  resurrectionem  attollit,  ne  in  suorum  morte  nimio  moerori  indulgeant.  Absurdum  enim  esse  ut  nihil  differant  ab  infidelibus,  qui  ideo  nullum  adhibent  moerori  finem  vel  modum,  quia  in  morte  nihil  nisi  interitum  agnoscunt.  Qui  hoc  testimonio  abutuntur  ut  stoicam  indolentiam,  hoc  est,  ferream  duritiem  statuant  inter  Christianos,  nihil  tale  reperient  in  Pauli  verbis.  Quod  obiiciunt  dolendum  non  esse  in  morte  nostrorum,  ne  Deo  resistamus,  id  in  omnibus  rebus  adversis  valeret:  sed  aliud  est  fraenare  dolorem  nostrum  ut  subiiciatur  Deo:  aliud  abiecto  humano  sensu  instar  lapidum  obdurescere.  Sit  ergo  piorum  dolor  consolatione  mistus,  quae  eos  ad  patientiam  erudiat.  Id  efficiet  spes  beatae  immortalitatis,  quae  patientiae  mater  est.  14.  Nam  si  credimus.  Illud  fidei  nostrae  axioma  sumit,  ideo  excitatum  esse  Christum  a  mortuis,  ut  eiusdem  simus  resurrectionis  participes  :  unde  infert,  nos  cum  eo  aeternum  victuros.  Haec  porro  doctrina  (quemadmodum  prioris  ad  Corinthios  capite  15,  13  dictum  est)  ex  alio  principio  pendet,  quod  non  sibi  Christus,  sed  nobis  mortuus  est  ac  resurrexit.  Proinde  qui  de  resurrectione  dubitant,  magnam  faciunt  Christo  iniuriam,  imo  quodammodo  ipsum  e  coelo  detrahunt  :  quemadmodum  ad  Romanos  capite  10,  6  habetur.  Dormire  per  Christum  est  retinere  in  morte  coniunctionem  quam  habemus  cum  Christo  :  nam  qui  fide  in  Christum  inserti  sunt,  mortem  cum  eo  communem  habent,  ut  sint  vitae  socii.  Quaeritur  autem  an  non  resurrecturi  etiam  sint  infideles:  nam  resurrectionem  Paulus  non  asserit  nisi  in  Christi  membris.  Respondeo,  Paulum  non  aliud  hic  attingere  nisi  quod  praesenti  instituto  congruebat.  Neque  enim  hic  terrendi  erant  impii,  sed  corrigendus  piorum  immodicus  dolor,  ac  sanandus  consolationis  medicina,  nt  facit.  15.  Hoc  enim  vobis  dicimus  in  sermone  Domini,  quod  nos  qui  vivemus  et  superstites  erimus  in  adventum  Domini,  non  praeveniemus  eos  qui  dormierunt.  16.  Quoniam  ipse  Dominus  cum  clamore,  cum  voce  archangeli  et  tuba  Dei  descendet  e  coelo:  ac  mortuis  qui  in  Christo  sunt,  resurgent  primum.  17.  Deinde  nos  qui  vivemus  ac  residui  erimus,  simul  cum  ipsis  rapiemur  in  nubibus,  in  occursum  Domini  in  aera:  et  sic  semper  cum  Domino  erimus.  18.  Itaque  consolamini  vos  mutuo  in  sermonibus  istis.  15.  Hoc  enim  vobis,  ete.  Modum  nunc  breviter  describit,  quo  excitandi  sunt  fideles  ex  morte.  Quum  autem  de  re  maxima  et  humano  ingenio  incredibili  yerbe  facit,  et  simul  promittit  quod  est  supra  hominum  potestatem  et  arbitrium  :  praefatur  nihil  se