51:165  165  CAPUT  IL  166  Notanda  etiam  repetitio  nominis  C  h  r  i  s  t  i  :  quia  nihil  gratiae  neque  amoris  a  Deo  sperari  vult,  nisi  ipso  intercedente.  8.  Gratia  enim  estis  salvati  per  fidem:  idque  non  ex  vobis.  Dei  donum  est.  9.  Non  ex  operibus:  ne  quis  glorietur.  10.  Ipsius  enim  opus  sumus?  creati  in  Christo  Iesu  ad  opera  bona,  quae  praeparavit  Deus,  ut  in  illis  ambulemus.  8.  Gratia  estis  salvati.  Est  quasi  conclusio  superiorum.  Ideo  enim  et  de  electione  et  de  vocatione  gratuita  disseruit,  ut  ad  hanc  summam  perveniret,  eos  sola  fide  salutem  consequutos  esse.  Primum  ergo  salutem  Ephesiorum  asserit  Dei  unius  esse  opus,  et  quidem  gratuitum.  Eos  vero  hanc  gratiam  fide  amplexos.  Hinc  enim  considerandus  est  Deus  :  inde  homines.  Deum  quidquam  nobis  debere  negat.  Est  igitur  mera  gratia,  non  merces  aut  retributio,  quod  salvat.  Nunc  quaeritur  quomodo  salutem  ex  manu  Dei  sibi  oblatam  percipiant  homines.  Respondet,  fide.  Hinc  concludit,  nihil  igitur  hic  esse  nostrum.  Nam  si  ex  parte  Dei  est  sola  gratia:  nos  autem  nihil  praeter  fidem  afferimus,  quae  nos  spoliat  omni  laude:  sequitur,  non  esse  ex  nobis.  Nonne  hoc  modo  et  liberum  arbitrium,  et  bonae  intentiones,  et  praeparationes  fictitiae,  et  merita,  et  satisfactiones  conticescant  oportet?  Nihil  est  enim  horum  quod  non  partem  laudis  in  salute  hominum  sibi  vendicet.  Ita  non  esset  in  solidum  laus  gratiae,  ut  Paulus  docet.  Iam  quum  ex  parte  hominis  solum  recipiendae  salutis  modum  in  fide  constituat,  alia  media  reiicit,  quibus  niti  solent  homines.  Fides  porro  hominem  vacuum  Deo  adducit,  ut  Christi  bonis  impleatur.  Ideoque  addit  non  ex  vobis:  ut  nihil  sibi  arrogantes,  solum  agnoscant  Deum  salutis  suae  autorem.  Dei  donum  est.  Pro  eo  quod  dixerat,  salutem  eorum  esse  ex  gratia,  nunc  asserit  esse  donum  Dei  :  pro  eo  quod  dixerat,  non  ex  vobis,  nunc  dicit,  non  ex  operibus.  Proinde  videmus  ut  nihil  hominibus  reliquum  faciat  in  comparanda  salute.  Nam  hic  tribus  verbis  complectitur  quod  tam  longa  disputatione  agitat  in  Epistola  ad  Romanos,  item  etiam  ad  Galatas:  ex  sola  Dei  misericordia  provenire  nobis  iustitiam,  offerri  in  Christo,  idque  per  evangelium:  sola  fide,  citra  operum  meritum,  percipi.  Atque  ex  hoc  loco  promptum  est,  inane  illud  cavillum  refutare,  quo  Papistae  evadere  conantur,  Paulum  de  caeremoniis  loqui,  quum  absque  operibus  iustificari  nos  docet.  Certo  enim  certius  est,  non  hic  agi  de  una  operum  specie,  sed  totam  hominis  iustitiam,  quae  operibus  constat,  reiici.  Imo  totum  hominem,  et  quidquid  a  se  habet.  Notanda  enim  antithesis  Dei  et  hominis,  gratiae  et  operum.  Cur  opponeretur  Deus  homini,  si  de  solis  caeremoniis  esset  controversia?  Itaque  fateri  co-