50:165  165  ARGUMENTUM.  166  cibis  mentionem  faciam,  sed  generali  doctrina  me  armabo:  quid  humanae  traditiones  ad  ligandas  conscientias  valere  debeant.  Atque  illud  arripiam,  unicum  esse  legislatorem,  qui  potestatem  habet  servandi  et  perdendi.  Summa  sit:  Paulus  hic  argumentatur  a  genere  ad  speciem  negative:  quae  est  ordinaria  et  maxime  naturalis  disputandi  ratio.  Quibus  porro  testimoniis  ac  rationibus  hanc  sententiam  probet,  iustificari  nos  sola  Christi  gratia:  suo  loco  videbimus.  Hoc  exsequitur  usque  ad  finem  tertii  capitis.  Initio  quarti  tractat  de  recto  caeremoniarum  usu,  et  cur  institutae  fuerint:  ubi  etiam  abolitas  nunc  esse  commonstrat.  Obviandum  enim  erat  huic  absurdo,  quod  protinus  cuique  in  mentem  venisset,  quorsum  igitur  caeremoniae?  an  fuerunt  inutiles?  an  frustra  in  illis  patres  se  occuparunt?  Utrumque  breviter  definit,  suo  tempore  non  fuisse  supervacuas,