42:165  165  SUR  LB  XII.  CHAP.  DE  DANIEL.  166  II  adiouste  puis  apres,  que  plusieurs  seront  blanchis  et  purges,  et  nettoies,  mais  que  les  meschans  ne  s'amenderont  point,  qu'ils  feront  meschamment,  et  qu'ils  n'entendront  rien,  mais  que  les  prudens  entendront.  Voici  encores  un  beau  passage  et  bien  utile,  nous  avons  oy  par  ci  devant  ce  qui  estoit  dit  et  traitte  des  afflictions  de  l'Eglise,  et  non  seulement  de  l'Eglise,  mais  en  general  de  tout  le  monde,  qu'il  y  auroit  des  tribulations  plus  grandes  et  plus  horribles  qu'elles  n'avoient  este  iamais.  Or  il  semble  bien  quand  Dieu  chastie  ainsi  les  hommes,  qu'il  doive  faire  comme  une  conversion  generale  de  tous  hommes,  pour  les  attirer  a  luy,  mais  nostre  Seigneur  Iesus  adiouste  que  les  chastiemens  et  les  verges  de  Dieu  ne  seront  point  profitables  a  tous  indifferemment,  qu'il  y  en  aura  beaucoup  qui  seront  endurcis  et  incorrigibles,  ils  ne  laisseront  point  d'estre  batus  et  frappes,  mais  ce  ne  sera  point  pour  s'amender,  ils  demoureront  tousiours  en  leur  malice  et  obstination.  Or  cependant  il  est  dit,  que  plusieurs  seront  blanchis  et  nettoies:  desia  nous  avons  expose  cette  sentence,  et  voila  pourquoy  il  ne  nous  j  faudra  point  arrester  si  longuement,  si  est-ce  que  nous  avons  a  reduire  en  memoire  ce  qui  ha  este  desia  deduit  par  ci  devant,  car  ce  n'est  pas  sans  cause  que  nostre  Seigneur  Iesus  Christ  reitere  maintenant  ce  que  desia  Daniel  avoit  entendu,  c'est  pour  nous  monstrer  que  cette  doctrine  est  notable,  qu'il  nous  y  faut  penser  souventesfois,  que  nous  ne  perdrons  point  nostre  temps,  quand  nous  travaillerons  apres  ce  qui  nous  en  est  enseigne,  et  que  nous  le  reduirons  souvent  en  memoire.  Aprenons  donc  quand  il  est  dit,  que  plusieurs  seront  nettoies  et  blanchis,  et  purges,  que  Dieu  fait  tellement  servir  les  afflictions  qu'il  nous  envoie,  qu'elles  retournent  a  nostre  salut,  car  qui  sommes-nous?  ie  di  mesmes  les  enfans  de  Dieu,  ceux  qui  ont  bonne  affection  de  le  servir,  ceux-ia  encores  auront-ils  tant  de  taches  et  de  vices  que  c'est  pitie,  qu'un  chacun  s'examine  bien,  et  il  trouvera  tant  de  fautes  en  soy,  qu'il  aura  bien  occasion  de  gemir,  et  de  dire,  helas!  ie  me  voi  encores  si  plein  de  pauvretes  que  c'est  pitie,  si  Dieu  n'y  besongne,  et  que  sera-ce,  si  ie  demeure  en  tel  estat,  me  voila  une  pauvre  creature  maudite?  Les  plus  parfaits  donc  sentiront  cela,  et  le  sentiront  plustost  que  les  autres,  car  c'est  une  grande  partie  de  nostre  perfection,  que  de  sentir  ce  qui  nous  defaut,  a  fin  que  nous  prions  Dieu  qu'il  luy  plaise  de  nous  attirer  a  soy,  de  nous  purger  et  nettoier.  Puis  qu'ainsi  est  donc  que  nous  sommes  pleins  de  taches  et  de  macules,  que  nous  sommes  salies  et  ords  devant  Dieu,  il  est  besoin  qu'il  nous  purge,  et  qu'il  nous  lave,  il  est  vray  qu'il  fait  cela  par  son  sainct  Esprit,  et  en  vertu  du  sang  de  nostre  Seigneur  Iesus  Christ,  mais  tant  y  ha  qu'encores  use-il  de