29:165  165  SUR  LB  DEUTER.  CHAP.  XXXIII.  166  met  Manasse  l'aisne  du  coste  droict,  et  il  met  Ephraim  du  coste  gauche,  afin  que  Iacob  en  sa  benediction  (comme  la  facon  et  ceremonie  estoit),  il  mist  sa  main  droite  sur  Manasse,  et  sur  Ephraim  sa  main  gauche:  or  il  croise  ainsi  ses  mains,  et  met  la  main  droite  sur  l'inferieur,  et  la  main  gauche  sur  l'aisne.  Or  Ioseph  alors  luy  dit:  Mon  pere,  il  n'est  pas  ainsi.  Non  non  (dit-il)  laisse-moy,  ie  ne  le  fay  pas  par  ignorance:  car  il  faut  que  celuy  qui  de  nature  est  inferieur,  soit  le  plus  grand,  Dieu  l'a  ainsi  ordonne.  Voila  un  povre  aveugle,  un  vieillard,  il  semble  qu'il  radote,  il  parle  de  choses  incognues:  et  neantmoins  il  est  la  comme  si  Dieu  estoit  assis  en  son  siege.  Et  de  faict,  comme  nous  avons  declare,  il  est  lieutenant  de  Dieu,  et  parle  en  son  authorite.  Ainsi  donc  Moyse  pour  ratifier  la  prophetie  qui  avoit  este  donnee  par  la  bouche  de  Iacob,  il  dit:  Ce  sont  les  dixaines  de  milliers  d'Ephraim:  combien  que  ce  soit  le  puisne,  si  est-ce  qu'il  surmontera  son  frere  en  nombre  de  gens,  et  en  tout  le  reste:  comme  aussi  en  la  fin  il  y  a  eu  une  telle  preeminence  en  ceste  lignee  la,  que  les  dix  lignees  d'Israel  en  estoyent  nommees.  Quand  les  Prophetes  disent  Ephraim,  c'est  autant  comme  s'ils  en  comprenoyent  dix  tout  ensemble:  et  mesmes  voila  Ruben,  qui  estoit  l'aisne,  qui  est  cache  sous  les  ailes  d'Ephraim.  Et  qui  est-ce  qui  cognoissoit  cela?  Nostre  Seigneur  l'a  ainsi  prononce  par  la  bouche  de  ceux  qu'il  avoit  constituez  en  son  lieu.  Et  ainsi,  nous  voyons  encores  ce  que  i'ay  dit,  que  Moyse  n'a  pas  este  ici  une  personne  privee,  qu'il  n'a  point  parle  aussi  a  la  voilee,  ni  de  sa  fantasie:  mais  que  Dieu  l'a  conduit,  afin  qu'on  cogneust  que  ce  peuplo-la  estoit  gouverne  specialement  comme  un  peuple  choisi  et  esleu  de  Dieu  entre  tout  le  reste  du  monde.  Ii  est  vray  que  Dieu  est  createur  general  de  tout  le  genre  humain,  il  est  vray  que  tous  peuples  estoyent  a.  luy:  mais  cependant  si  est-ce,  pource  qu'il  avoit  choisi  le  lignage  d'Abraham,  que  la  il  vouloit  que  sa  vertu  fust  encores  mieux  cogneue:  il  vouloit  les  tenir  comme  ses  domestiques  et  plus  prochains  de  luy.  Et  ainsi  donc  c'estoit  bien  raison  que  ce  qui  est  ici  declare  fust  cogneu  de  tous  les  Iuifs,  et  qu'ils  fussent  incitez  par  ce  moyen  a  benir  le  Nom  de  Dieu,  cognoissant  combien  ils  estoyent  tenus  et  obligez  a  luy,  de  ce  qu'il  les  avoit  ainsi  retirez  du  milieu  des  peuples,  et  qu'il  leur  vouloit  faire  sentir  qu'il  leur  estoit  pere,  puis  qu'il  les  avoit  adoptez  pour  ses  enfans.  Or  maintenant  venons  a  ce  qui  est  advenu.  Il  est  vray  que  Dieu  a  bien  accompli  tout  ce  qu'il  avoit  prononce.  Et  en  cela  voyons-nous  que  les  enfans  de  Ioseph  n'ont  pas  este  frustrez  de  leur  attente,  que  toutes  ces  promesses  n'ont  point  este  frivoles:  mais  cependant  si  est-ce  qu'elles  n'ont  gueres  profite  a  beaucoup:  mais  plustost  par  leur