27:165  165  SUR  LE  DEUTER.  CHAP.  XII.  166  Fils  de  Dieu,  lequel  nous  appelle  a  soy  pour  estre  conioint  avee  nous.  Et  il  nous  faut  aussi  prattiquer  ce  que  i'ay  desia  allegue  de  S.  Pierre:  Que  nous  soyons  comme  enfans  nouveau  nais.  Car  quand  un  enfant  commence  par  Ta.  b.  c,  il  est  docile,  et  se  laisse  gouverner:  ainsi  qu'en  tout  et  par  tout  nous  apprenions  ceste  lecon  que  Dieu  nous  monstre  en  sa  doctrine,  et  que  toute  nostre  sagesse  soit  de  luy  obeyr.  Voila  donc  ce  que  nous  avons  a  noter  de  ce  passage,  quand  il  est  dit:  Tu  ne  feras  point  ainsi  avec  ton  Dieu:  car  Dieu  ne  veut  point  estre  reigle  a  la  balance,  ni  a  la  mesure  des  idoles:  mais  il  veut  qu'on  recoive  ce  qu'il  commande,  et  qu'on  y  acquiesce  sans  contredit,  et  sans  replique.  Pour  declaration  il  dit:  Quon  vienne  au  lieu  qu'il  aura  choisi  de  toutes  les  lignees,  pour  y  mettre  son  nom,  et  pour  y  habiter  :  combien  que  ce  mot  ici  soit  expose  par  aucuns  pour  son  habitation,  c'est  a  dire,  pour  son  sanctuaire,  et  pour  son  tabernacle.  Mais  tout  revient  a  un:  car  la  doctrine  n'est  point  obscure,  ne  douteuse,  que  Dieu  veut  qu'au  lieu  que  les  Payens  avoyent  dresse  beauconp  d'autels,  beaucoup  de  chappelles,  qu'ils  faisoyent  beaucoup  de  pelerinages,  qu'ils  se  contentent  d'avoir  un  seul  sanctuaire.  Or  s'il  estoit  licite  aux  hommes  de  se  gouverner  par  leur  raison:  les  Iuifs  pouvoyent  bien  ici  plaider  contre  Dieu:  Comment?  Le  pays  est  grand:  et  faudra-il  qu'il  n'y  ait  nul  autel  par  tout,  sinon  en  un  lieu  seul  ?  Il  y  aura  une  grosse  ville,  et  la  on  ne  verra  point  un  temple  la  ou  on  sacrifie,  la  ou  on  face  sa  devotion.  Il  y  a  tant  de  pays  circonvoisins,  et  on  adorera  Dieu  seulement  regardant  au  ciel?  Et  pourquoy  n'y  aura-il  point  d'autel?  Il  sembleroit  donc  que  le  peuple  des  Iuifs  eust  eu  bien  iuste  occasion  de  reietter  ce  commandement,  et  de  dire:  Nous  voulons  estre  si  devots,  que  nous  ayons  quelque  signe  et  marque  que  Dieu  habite  entre  nous,  et  le  voulons  adorer,  et  luy  voulons  faire  des  sacrifices  solennels.  Mais  quoy?  Il  faut  que  les  hommes  se  tiennent  ici  bridez,  et  qu'ils  captivent  leurs  propres  sens  :  et  puis  que  Dieu  parle,  qu'ils  se  tiennent  coys,  et  qu'ils  n'attentent  point  de  rien  avancer,  sinon  ce  qui  leur  sera  permis  de  sa  bouche.  Voila  donc  comme  nostre  Seigneur  a  voulu  humilier  les  siens,  c'est  qu'il  les  a  assuiettis  a  sa  parolle.  Ainsi  apprenons  qu'il  ne  nous  faut  point  gouverner  a  nostre  poste,  ni  a  nostre  cerveau:  mais  qu'il  nous  doit  suffire  que  nostre  service  soit  agreable  a  Dieu,  quand  il  sera  conforme  a  se  volonte:  il  n'y  a  que  cela.  Et  notamment  il  est  dit:  Au  lieu  que  l'Eternel  ton  Dieu  choisir  a.  Comme  s'il  disoit,  qu'il  n'est  point  en  la  liberte  des  Iuifs  d'assigner  un  lieu  a  Dieu,  pour  dire:  Voila  ou  on  luy  doit  sacrifier:  il  ne  faut  point  que  les  hommes  s'ingerent  iusques  la.  C'est  a  ton  Dieu  de  choisir,  dit  Moyse.  En  somme  il  veut  que  l'authorite  de  Dieu