21:165  165  VITA  CALVINI  166  ago,  quod  ine  plane  nihil  eiusmodi  promeritum  tantis  affecistis  honoribus,  measque  plurimas  infirmitates  tam  patienter  saepe  tolerastis,  quod  maximum  semper  apud  me  fuit  vestrae  in  me  singularis  bene��  volentiae  argumentum.  Et  quamvis  mihi  munere  meo  defungenti  varia  subeunda  certamina  variique  sustinendi  fuerint  insultus,  quod  sic  oporteat  optimum  etiam  quemque  exerceri,  scio  tamen  et  agnosco  nihil  istorum  vestra  culpa  accidisse.  Precor  autem  vos  vehementer  ut,  si  quaecunque  oportuit  non  praestiti,  voluntatis  meae  potius  quam  facultatis  habeatis  rationem.  Illud  enim  vere  possum  testari  fuisse  me  reipublicae  vestrae  ex  animo  studiosum  et,  ut  officio  meo  plene  non  sim  defunctus,  publicis  quidem  certe  commodis  pro  virili  studuisse.  Quod  ni  agnoscerem,  Dominum  vicissim  opera  interdum  uti  mea  non  inutiliter  voluisse,  dissimulationis  crimen  non  effugerem.  Sed  hoc  a  vobis  etiam  atque  etiam  peto,  ut  excusationem  apud  vos  inveniam,  quod  tam  exigua  sint  quaecunque  publice  vel  privatim  praestiti,  prae  iis  quae  a  me  fieri  oportuit.  Ultro  certe  agnosco,  me  vobis  hoc  quoque  nomine  plurimum  debere,  quod  vehementiam  illam  meam  interdum  immoderatam  aequo  animo  tulistis:  quae  peccata  mea  confido  mihi  a  Deo  quoque  ipso  condonata.  Caeterum  quod  ad  doctrinam  attinet,  quam  ex  me  audistis,  testor  me  non  temere  neque  incerto  sed  pure  ac  sincere  verbum  Dei  mihi  concreditum  docuisse,  cuius  iram  alioqui  tam  scirem  huic  capiti  meo  iamiam  imminere,  quam  certus  sum  meos  in  docendo  labores  ei  non  displicuisse.  Idque  coram  Deo  et  vobis  eo  libentius  testificor,  quod  minime  dubitem  Satanam  prout  consuevit  improbos,  leves,  vertiginosos  denique  homines  corrumpendae,  quam  ex  me  audivistis,  sincerae  doctrinae  excitaturum.  Inde  delapsus  ad  immensa  illa  beneficia,  quibus  a  Domino  affecti  fuerant:  Ego,  ego,  inquit,  optimus  sum  testis,  quot  quantisque  periculis  Optimi  Maximi  Dei  manus  vos  exemerit.  Videtis  porro,  quo  loco  sitis.  Sive  igitur  secundae  res  vestrae  fuerint  sive  adversae,  illud  quaeso  vobis  ob  oculos  semper  obversetur,  illum  unum  esse  qui  regna  et  civitates  stabiliat  eoque  nomine  coli  a  mortalibus  velit.  Memineritis  magnum  illum  Davidem  testari  se  tum  prolapsum  esse,  quum  alta  iam  pace  frueretur,  nunquam  certe  surrecturum,  nisi  Dominus  bonitate  singulari  sua  manum  ei  porrexisset.  Quid  igitur  tantillis  homunculis  fiet,  quum  ille  tam  potens  et  fortis  ceciderit?  Nempe  magna  vobis  animi  demissione  opus  est,  ut  magna  cum  Dei  reverentia  sollicite  incedatis,  illiusque  unius  praesidio  nitamini,  certi  nimirum  ita  futurum  ut,  quod  tam  saepe  re  ipsa  sensistis,  firmi  illius  ope  perstetis,  etiamsi  velut  ex  tenui  filo  suspensa  vestra  salus  et  incolumitas  fuerit.  Itaque  si  prospera  vobis  evenerint,  cavete  quaeso  ne  profanorum  instar  efferamini,  sed  Deo