7:164  ont  quelque  crainte  de  Dieu.  Ie  vous  prie,  est  i1  question  de  me  taire,  quand  ie  voy  a  l'oeil  que  ces  villains  effrontez  nous  font  leurs  macquereaux,  [page  35]  sans  que  nous  en  sachions  rien,  pour  corrompre  les  povres  ames?  Comment  peuvent  ilz  faire  valoir  nostre  silence,  veu  qu'ilz  sont  si  effrontez,  que  de  vouloir  arracher  de  nous  approbation  de  leur≫  meschantes  'doctrines?  Parquoy  c'est  bien  raison  de  leur  oster  la  masque,  de  laquelle  ilz  se  desguisent  pour  exequuter  plus  facilement  leur  maudicte  entreprinse,  qui  est  de  renverser  tant  l'honneur  de  Dieu,  que  le  salut  des  ames.  CHAPITRE  V.  Comment  il  se  peut  faire  9  que  ceste  secte  tant  bestiale  ait  si  grand  nombre  (TacUierens.  Ou  il  est  traicte  des  manieres  de  gens  qui  la  suyvent.  Quelqu'un  me  dira  icy:  Puis  que  ceste  doctrine  est  tant  absurde,  et  repugnante  non  seulement  a>  toute  l'escriture  saincte,  mais  aussi  a  toute  humanite,  puis  aussi  que  les  docteurs  sont  gens  rudes  et  ignorans,  comment  donc  se  peut  il  faire,  qu'ilz  ayent  tant  de  gens  de  leur  sequelle:  et  dont  vient  cela  qu'ilz  en  gaignent  beaucoup,  mesme  de  ceux  qui  avoyent  auparavant  gouste  la  [page  36]  simple  doctrine  de  l'Evangile?  Premierement  comme  nostre  Seigneur  permet  que  les  sectes  s'eslevent,  a  fin  d'esprouver  la  constance  d'un  chacun,  et  discerner  les  bons  d'avec  les  meschans  :  aussi  faut  il  que  telle  declaration  se  face,  et  qu'il  en  advienne  ainsi,  que  plusieurs  qui  avoyent  apparence  de  tenir  l'Evangile,  et  avoyent  vestu  la  robbe*)  de  Chrestiens,  soyent  demonstrez  telz  qu'ilz  sont:  a  fin  que  l'Eglise  Chrestienne  soit  purgee  d'autant  d'ordure:  et  qu'ilz  soyent  en  exemple  aux  autres,  a  ce  qu'on  apprenne  de  ne  se  point  iouer  avec  Dieu.  Or  outre  la  racine  commune,  et  quasi  la  mere  de  toutes  heresies,  qui  est  arrogance  ou  presumption:  si  on  y  regarde  de  pres,  on  trouvera  qu'il  y  a  deux  vices,  qui  ont  este  cause  de  faire  tomber  si  grand  nombre  de  gens  en  cest  erreur.  C'est  que  les  uns  estoyent  adonnez  a  une  folle  curiosite,  appliquans  leur  esprit  a  questions  vaines  et  superflues,  au  lieu  de  chercher  les  choses  d'edification:  et  ne  se  contentans  de  la  simplicite  de  l'escriture,  [page  37]  voltigeoyent  en  l'air  en  des  speculations  frivoles,  ou  pour  satisfaire  a  leur  folle  convoitise,  ou  pour  se  monstrer  subtilz  et  de  haute  intelligence.  Les  au-  1)  formam.