55:164  conciderunt  moenia  Iericho,  circumdata  per  septem  dies.  31.  Fide  Bahab  meretrix  non  periit  cum  incre��  duits,  quum  excepisset  exploratores  cum  pace.  28.  Fide  pascha.  Hoc  ad  fidei  commendationem  multum  valere  debuit  apud  Iudaeos,  quibus  praecipuum  et  maximae  venerationis  sacrificium  pascha  erat.  Porro  fide  celebratum  fuisse  dicit,  non  quia  agnus  ille  figura  fuit  Christi:  sed  quia  quum  postes  aspergeret  sanguine,  nondum  exstabat  profectus.  Quare  ubi  veritas  ipsa  adhuc  latebat,  fide  exspectari  necesse  fuit.  Imo  ridiculum  videri  poterat,  quod  Moses  paucas  sanguinis  guttulas  Dei  vindictae  in  remedium  opponeret:  sed  solo  tamen  Dei  verba  contentus  immunem  fore  populum  a  plaga,  quae  Aegyptiis  instabat,  non  dubitavit.  Unde  non  immerito  fidem  eius  apostolus  hac  in  parte  laudat.  Qui  fide  celebratum  fuisse  pascha  interpretantur,  quia  Moses  in  Christum  respexerit,  utrumquidem  dicunt:  sed  apostolus  simpliciter  hic  fidei  meminit,  quatenus  in  solo  Dei  verbo  acquiescit,  ubi  res  ipsa  non  apparet.  Ideo  intempestivum  est  subtilius  hoc  loco  philosophari.  Quod  autem  Mosen  solum  fecisse  pascha  commemorat,  haec  causa  est,  quod  per  eius  manum  Deus  pascha  instituit.  29.  Fide  transierunt.  Certum  est,  complures  in  illa  multitudine  fuisse  incredulos:  at  Dominus  paucorum  hoc  fidei  concessit,  ut  sicco  pede  per  mare  transiret  tota  multitudo.  Nam  in  eadem  re  magnum  inter  Israelitas  et  Aegyptios  discrimen  fuit,  quod  quum  alii  incolumes  transiissent,  alii  paulo  post  demersi  sunt.  Unde  hoc  discrimen?  nisi  quia  verbum  Dei  priores  amplexi  sunt,  quo  destituebantur  Aegyptii.  Argumentum  igitur  est  a  contrariis,  quum  dicit  Aegyptios  fuisse  submersos.  Nam  infelix  ille  eventus  poena  fuit  temeritatis:  quemadmodum  ex  adverso  salutem  consequuti  sunt  Israelitae,  quod  verbo  Dei  freti  inter  medias  aquarum  moles  iter  facere  non  recusarunt.  30.  Fide  conciderunt  moenia  Iericho.  Sicuti  prius  fide  absumptum  fuisse  servitutis  iugum  docuit,  ita  nunc  eadem  fide  commemorat  populum  haereditatis  sibi  promissae  possessionem  fuisse  adeptum.  Nam  primo  terrae  ingressu  obiecta  erat  urbs  Iericho,  munita  et  fere  inexpugnabilis,  quae  progredi  ultra  vetaret,  quum  nulla  esset  illius  expugnandae  ratio.  Praecipit  Dominus  ut  semel  quotidie  omnes  viri  bellicosi  muros  circumeant:  septimo  autem  die  septies.  Puerilis  erat  circuitus  ille  plenusque  ludibrio.  Parent  nihilominus  mandato  Dei,  neque  ludunt  operam:  feliciter  enim  succedit  ut  promissum  illis  fuerat.  Certum  est  non  hominum  clamore,  vel  strepitu,  nec  clangore  tubarum  moenia  corruisse:  sed  quia  speravit  populus  quod  se  facturum  Dominus  promiserat.  Haec  quoque  in  usum  nostrum  accommodare  licet:  quia  neque  aliter  quam