52:164  singulos  agere  suas,  ut  sibi  quisque  seorsum  vivat,  omissa  aliorum  cura:  sed  tantum  otiosam  levitatem  corrigere  vult,  quae  tumultuosos  in  publicum  homines  reddit,  qui  domi  sedatam  vitam  agere  debebant.  Laboretis  manibus.  Manuarium  laborem  duabus  de  causis  commendat:  ut  sibi  sufficiant  ad  tolerandam  vitam,  et  honeste  se  gerant  etiam  coram  infidelibus.  Nihil  enim  turpius  inerti  ac  nihili  homine,  qui  nec  sibi  nec  aliis  utilis  tantum  ad  edendum  et  bibendum  natus  videtur.  Porro  hic  labor  vel  operandi  ratio  late  patet:  quod  enim  de  manibus  loquitur,  in  eo  est  synecdoche:  sed  non  dubium  quin  omnem  exercitationem  comprehendat  humanae  vitae  utilem.  13.  Nolo  autem  vos  ignorare,  fratres,  de  iis  qui  obdormierunt,  ut  ne  contr  istemini,  sicut  et  caeteri  qui  spem  non  habent.  14.  Nam  si  credimus  quod  Iesus  mortuus  est  et  resurrexit:  ita  et  Deus  eos,  qui  dormierunt  per  Christum,  adducet  cum  eo.  13.  Nolo  autem  vos.  Non  est  verisimile  spem  resurrectionis  convulsam  fuisse  apud  Thessalonicenses  a  profanis  hominibus:  quemadmodum  Corinthi  factum  fuerat.  Videmus  enim  ut  Corinthios  severe  castiget:  hic  autem  tanquam  de  re  non  dubia  loquitur.  Fieri  tamen  potest  ut  non  satis  infixa  eorum  animis  fuerit  haec  persuasio:  atque  ideo  in  lugendis  mortuis  aliquid  ex  vetere  superstitione  retinuerint.  Haec  enim  est  summa,  non  esse  lugendos  ultra  modum  mortuos,  quia  simus  omnes  excitandi.  Unde  enim  fit  ut  nullum  finem  nec  modum  habeat  infidelium  luctus,  nisi  quia  nulla  apud  eos  resurrectionis  spes  est?  Nos  ergo,  qui  de  resurrectione  edocti  sumus,  nonnisi  moderate  lugere  decet.  Postea  de  modo  resurrectionis  disseret:  praeterea  aliquid  attinget  de  temporibus.  Sed  hoc  loco  tantum  cohibere  nimium  moerorem  voluit,  qui  nunquam  ita  apud  eos  regnasset,  si  viguisset  seria  resurrectionis  cogitatio  et  memoria.  Non  autem  prorsus  lugere  vetat,  sed  moderationem  requirit  in  luctu:  dicit  enim,  ut  ne  c  o  n  t  r  i  s  t  e  m  i  n  i  sicut  alii,  qui  spem  non  habent.  More  infidelium  eos  tristari  vetat,  qui  fraena  dolori  laxant  :  quia  mortem  habent  pro  ultimo  interitu,  et  perire  existimant  quidquid  e  mundo  tollitur.  Quum  autem  sciant  fideles  se  ex  mundo  migrare,  ut  tandem  colligantur  in  regnum  Dei,  similem  lugendi  causam  non  habent:  quare  doloris  temperamentum  esse  debet  resurrectionis  cognitio.  Dormientes  vocat  mortuos,  communi  scripturae  more,  quo  verbo  mortis  acerbitas  mitigatur:  multum  enim  differt  ab  interitu  dormitio.  Caeterum  non  ad  animam,  sed  corpus  refertur:  iacet  enim  in  sepulcro  cadaver,  quasi  in  lecto,  donec  hominem  Deus  excitet.  Itaque  desipiunt,  qui  inde  colligunt