51:164  nos.  Particula  etiam  habet  emphasin:  qualis  est  ad  Romanos  sexto  capite.  5.  Gratia  estis  salvati.  Nescio  an  quispiam  alius  hoc  interposuerit:  quia  tamen  nihil  habet  a  contextu  alienum,  libenter  amplector  tanquam  a  Paulo  scriptum.  Et  videmus  ut  nunquam  sibi  in  praedicanda  gratiae  amplitudine  satisfaciat:  ideoque  identidem  pluribus  verbis  inculcat,  nihil  esse  in  salute  nostra  quod  non  sit  Deo  tribuendum.  Certe  qui  ingratitudinem  hominum  rite  expendet,  non  fastidiet  hanc  parenthesin  quasi  supervacuam.  6.  Et  sedere  fecit  in  coelestibus.  Quod  de  resurrectione  hic  meminit  ac  sessione  in  coelis,  nondum  quidem  oculis  cernitur.  Verum,  quasi  in  praesenti  possessione  iam  essemus,  ea  beneficia  nobis  collata  esset  docet:  quo  magis  status  nostri  conversionem  attollat,  dum  ab  Adam  ad  Christum  traducimur.  Perinde  scilicet  ac  si  ex  profundissimis  inferis  ad  coelum  nos  transferri  diceret.  Et  certe  quamvis  salus  nostra  in  spe  sit  adhuc  abscondita,  quantum  ad  nos  spectat:  in  Christo  nihilominus  beatam  immortalitatem  et  gloriam  possidemus.  Ideo  addit  in  Christo.  Quia  nondum  haec,  quae  commemorat,  in  membris  apparent,  sed  in  solo  capite:  propter  arcanam  tamen  unitatem  ad  membra  certo  pertinent.  Alii  vertunt  per  Christum:  sed  melius  convenit  in  Christo,  propter  illam  quam  notavi  rationem.  Et  hinc  colligi  debet  uberrima  consolatio,  quod  in  Christi  persona  certum  pignus  et  primitias  habemus  eorum  omnium,  quae  nobis  desunt.  7.  Ut  demonstraret.  Iterum  repetit  causam  finalem,  ut  se  Ephesii  in  assidua  eius  meditatione  exerceant:  ac  eo  sint  de  salute  sua  certiores,  quo  iustiorem  eius  causam  agnoscent,  nempe  ut  glorificetur  Deus.  Addit  etiam,  Dominum  voluisse  omnibus  saeculis  consecrare  tantae  bonitatis  memoriam  :  quo  magis  invisos  reddat,  qui  gratuitam  gentium  vocationem  impugnabant.  Nam  rem  omnibus  saeculis  memorabilem  conabantur  statim  opprimere.  Caeterum  hinc  admonemur,  perpetua  recordatione  celebrandam  esse  misericordiam  Dei,  qua  patres  nostros  dignatus  est  in  populum  suum  cooptare��  Gentium  enim  vocatio  mirabile  est  divinae  bonitatis  opus,  quod  filiis  parentes  et  avi  nepotibus  tradere  per  manus  debent,  ut  nunquam  ex  hominum  animis  silentio  deleatur.  Divitias  gratiae  suae,  in  benignitate.  Nunc  de��  monstrat  vel  repetitione  confirmat,  amorem  illum  quo  nos  prosequutus  est  Deus  in  Christo,  ex  misericordia  oriri.  Dicit  enim,  ut  patefaceret  opulentiam  gratiae  suae.  Quomodo?  In  benignitate  erga  nos,  tanquam  arborem  scilicet  in  fructu.  Non  tantum  igitur  gratuitum  Dei  amorem  fuisse  affirmat,  sed  Deum  quoque  in  eo  exhibuisse  opulentiam  gratiae  suae,  neque  eam  vulgarem,  sed  eminentem*