50:164  merito  reverenter  excipiebatur.  Sed  multi  erant  stulta  gloria  inflati,  quod  familiares  fuissent  apostolis,  vel  saltem  in  eorum  schola  instituti.  Ideo  nihil  illis  placebat,  nisi  quod  Ierosolymis  vidissent.  Alios  omnes  ritus  illic  non  usitatos  non  tantum  respuebant,  sed  audacter  etiam  damnabant.  Talis  morositas  deterrima  est  pestis:  quum  morem  ecclesiae  unius  volumus  pro  universali  lege  valere.  Nascitur  autem  ex  praepostero  zelo,  quum  erga  magistrum  aliquem  vel  locum  ita  sumus  affecti,  ut  sine  iudicio  loca  omnia  et  omnes  homines  velimus  ad  unius  hominis  sensum,  ad  unius  loci  instituta,  tanquam  ad  commune  praescriptum,  adigere.  Quamquam  semper  admista  est  ambitio:  imo  semper  nimia  morositas  est  ambitiosa.  Ut  redeam  ad  istos  pseudoapostolos:  si  tantummodo  prava  aemulatione  ubique  usum  caeremoniarum  ingerere  tentassent,  quas  Ierosolymis  viderant  servari:  iam  in  eo  non  leviter  peccassent.  Est  enim  iniquum,  ex  consuetudine  protinus  facere  regulam.  Sed  plus  erat  mali  in  doctrina  impia  et  perniciosa,  quod  religione  volebant  obstrictas  tenere  conscientias:  quod  iustitiam  in  observatione  collocabant.  Nunc  tenemus  cur  in,  asserendo  suo  apostolatu  tam  animosus  sit  Paulus,  et  cur  reliquis  apostolis  se  opponat.  Id  agit  usque  ad  finem  secundi  capitis,  ubi  transitum  sibi  facit  ad  causae  tractationem:  nempe  gratuito  nos  iustificari  coram  Deo,  non  operibus  legis.  Nam  hoo  argumento  nititur,  si  vim  iustificandi  non  habent  caeremoniae,  non  esse  igitur  necessariam  earum  observationem.  Quamquam  non  de  solis  caeremoniis  agit,  sed  generaliter  de  operibus  disputat:  alioqui  frigeret  totum  argumentum.  Si  cui  nimis  remotum  hoc  videtur,  duo  consideret.  Primo  non  potuisse  aliter  expediri  quaestionem  quam  sumpto  generali  principio,  iustificari  nos  mera  Dei  gratia:  quod  non  caeremonias  modo,  sed  alia  etiam  opera  excludit.  Deinde,  Paulum  non  tam  sollicitum  fuisse  de  caeremoniis,  quam  de  impia  opinione  acquirendae  ex  operibus  salutis.  Notemus  ergo,  Paulum  non  inepte  ab  ovo  (quod  aiunt)  ordiri:  sed  necessario  fontem  ipsum  indicare  :  ut  sciant  lectores  non  hic  de  umbra  asini  litigari,  sed  de  re  omnium  maxima,  qua  ratione  salutem  obtineamus.  Falluntur  ergo  qui  putant  apostolum  in  particulari  quaestione  se  continere  de  caeremoniis  :  neque  enim  illa  per  se  expediri  poterat.  Simile  habemus  exemplum  Actorum  15,  2.  Lis  et  contentio  de  caeremoniis  agitabatur,  an  observatu  essent  necessariae.  In  ea  discutienda  concionantur  apostoli  de  importabili  iugo  legis,  de  gratuita  peccatorum  remissione.  Quorsum  haec?  videtur  enim  absurda  esse  digressio  a  proposito:  sed  non  ita  est.  Non  enim  solide  aliter  refutari  particularis  error  poterit,  quam  sumpto  universali  principio,.  Quemadmodum,  exempli  gratia,  si  de  prohibita  esu  carnium  disputandum  mihi  sit,  non  tantum  de