29:164  deux  choses  requises,  c'est  que  nous  demandions  a  Dieu  qu'il  nous  benisse,  qu'il  nous  donne  dequoy  estre  substantez:  et  puis  quo  nous  soyons  gardez  de  nos  ennemis  qui  nous  assaillent:  tous  les  deux  sont  ici  comprins  en  ce  lignage  de  Ioseph.  Car  il  est  dit,  que  Dieu  le  benira  en  sa  terre,  qu'il  y  aura  grande  fertilite:  et  puis,  qu'il  luy  donnera  vertu,  par  laquelle  il  presidera  sur  ses  ennemis,  et  mesmes  il  les  repoussera  iusques  aux  extremitez  du  monde.  Pour  conclusion  Moyse  adiouste:  Qu'il  y  aura  les  dfocaines  de  milliers  d'Ephraim,  et  les  milliers  de  Mtinasse.  Il  signifie  qu'il  faut  que  ces  deux  lignees  ici  viennent  en  teste.  Car  les  Hebreux  ont  accoustume  par  ce  mot  de  Milliers  de  signifier  comme  les  bailliages  et  les  prevostez:  comme  quand  il  est  dit:  Et  toy  Bethlehem  terre  d'Ephrata,  tu  es  des  plus  petites  entre  les  milliers  de  Iuda,  c'est  a.  dire,  quand  on  regardera  les  prevostez  et  les  bailliages,  tu  es  des  plus  petites:  si  est-ce  que  le  Redempteur  viendra  de  toy.  l'allegue  ce  passage-la,  pour  monstrer  qu'emporte  ce  mot  de  Milliers.  Or  donc  quand  Moyse  parle  ici  de  milliers,  il  entend  en  somme  qu'il  faudra  qu'Ephraim,  qui  estoit  l'un  des  enfans  de  Ioseph  face  une  teste,  qu'il  ait  sa  police  et  ses  prevostez  a  part;  et  aussi  Manasse  (qui  estoit  l'autre  des  enfans  de  Ioseph)  que  celuy-la  aura  aussi  bien  son  ordre  et  sa  police,  qu'il  aura  ses  prevostez  aussi  bien  que  Iuda,  Ben-iamin,  et  Isachar,  et  les  autres  lignees.  Voila  pour  un  item.  Mais  cependant  il  est  dit:  Les  dixaines  de  milliers  d9Ephraim,  et  les  milliers  de  Manasse.  Il  met  ici  Ephraim  dix  fois  plus  grand  que  son  frere.  Or  Manasse  estoit  bien  le  fils  aisne  de  Ioseph:  mais  desia  leur  grand  pere  en  les  benissant  avoit  declare  qu'Ephraim  seroit  plus  grand  que  son  frere  Manasse.  Voila  l'ordre  de  nature  tout  change,  quand  Dieu  donne  le  droict  de  primogeniture  a  celuy  qui  estoit  inferieur:  pour  monstrer  que  nous  n'apportons  rien  qui  nous  soit  propre  devant  luy,  mais  que  nous  recevons  tout  de  sa  pure  bonte,  et  qu'il  dispose  de  nous  a  son  plaisir,  sans  qu'il  y  soit  oblige.  Dieu  donc  a  declare  cela  par  figure  en  ces  deux  personnes  de  Manasse  et  d'Ephraiin.  Car  ii  n'estoit  pas  en  Iacob  de  faire  qu'Ephraim  fust  plus  que  Manasse  :  il  n'estoit  pas  question  seulement  du  pays,  mais  d'avoir  lignee.  Et  cela  est  nomme  un  don  special  de  Dieu.  Encores  que  les  richesses  8oyent  de  luy,  si  est��ce  qu'il  veut  qu'on  recognoisse,  que  d'avoir  lignee  c'est  un  don  particulier  qu'on  ne  peut  acquerir  par  industrie,  ni  par  autre  moyen.  Quand  donc  l'Escriture  parle  ainsi,  elle  monstre  bien  qu'il  n'est  pas  en  une  creature,  de  dire:  Celuy-la  aura  un  grand  peuple,  comme  Iacob  le  dit:  et  neantmoins  alors  il  ne  pouvoit  pas  discerner  selon  l'homme:  car  il  est  comme  aveugle  pour  sa  vieillesse:  et  quand  Ioseph  vient  la  amener  ses  deux  enfans,  il