21:164  negotium  futurum,  praesertim  ubi  aeri  alieno  satisfactum  erit,  cuius  rei  negotium  diligenter  mandavi  eidem  fratri  meo,  cuius  fidei  et  benevolentiae  confido:  qua  de  causa  illum  esse  volo  ac  statuo  huius  mei  testamenti  exsequutorem,  unaque  cum  ipso  spectatum  virum  Laurentium  Normendium  potestatem  illis  permittens  conficiendi  bonorum  meorum  inventarium  sine  accuratiore  forensi  diligentia  ac  solennitate:  permitto  etiam  ipsis  vendere  mea  mobilia,  ut  ex  pecunia  redacta  suprascriptam  meam  voluntatem  exsequantur,  quam  exposui  et  dictavi  hoc  XXv.  Aprilis  die,  Anno  MDLXIv.  Ioannes  Calvinus.  Posteaquam  ego  supradictus  notarius  superius  testamentum  scripsi,  continuo  idem  Calvinus  usitata  subscriptione  sua  et  chirographo  illud  confirmavit.  Postero  die,  qui  fuit  XXvl  Aprilis  eiusdem  anni,  idem  spectatus  vir  Calvinus  me  ad  se  vocari  iussit,  unaque  mecum  Theodorum  Bezam,  Raymundum  Calvetum,  Michaelem  Copum,  Ludovicum  Enocum,  Nicolaum  Coladonium,  Iacobum  Bordesium,  ministros  et  concionatores  verbi  Domini  in  hac  ecclesia  Genevensi,  itemque  spectatum  virum  Henricum  Scrimgerum  professorem  artium,  cives  Genevenses,  et  coram  iis  omnibus  professus  ac  testatus  est,  sese  mihi  testamentum  illud  suum  ea  forma  qua  supra  conscriptum  est  dictasse,  simulque  me  iussit  illud  ipsis  audientibus  et  ea  de  causa  advocatis  recitare:  quod  me  clara  voce  et  articulate  fecisse  profiteor:  Et  post  illam  recitationem  testatus  est  ac  professus  eam  esse  suam  ultimam  voluntatem  quam  ratam  esse  cupiat,  in  cuius  rei  testimonium  et  confirmationem  petiit  ab  illis  omnibus  ut  eidem  testamento  manu  sua  subscriberent:  quod  continuo  ab  illis  factum  est  anno  et  mense  suprascriptis  Genevae  in  vico  vulgo  dicto  Canonicorum,  et  in  eiusdem  testatoris  domicilio.  In  cuius  rei  fidem  et  testimonium  supradictum  testamentum  scripsi,  et  manu  mea  subscripsi  et  usitato  sigillo  supremi  Magistratus  nostri  obsignavi.  Petrus  Chenalatus.  Hoc  condito  testamento  misit  qui  quatuor  syndicis  cunctisque  senatoribus  significarent,  cupere  se,  antequam  e  vivis  excederet,  adhuc  semel  eos  omnes  in  curia  compellare,  quo  postridie  se  deportandum  speraret.  Responderunt  senatores,  se  potius  ad  eum  venturos,  rogaruntque  ut  suae  valetudinis  rationem  haberet.  Postridie  quum  ad  eum  omnes  e  curia  venissent  mutuo  data  acceptaque  salute,  postquam  veniam  petiisset  [D  2]  quod  ad  ipsum  usque  venissent,  quum  sibi  potius  ad  eos  accedendum  esset,  et  praefatus  iam  pridem  hoc  cum  ipsis  colloquium  expetivisse,  quod  tamen  eousque  distulisset,  dum  paulo  certius  exitum  suum  praesentiret:  Ego  vero,  inquit,  honorandi  Domini,  ingentes  vobis  grotias