20:164  (Ex  autographo  Arch.  Turic.  Plut.  VI.  Vol.  166,  olim  Epp.  Tom.  24,  fol.  287.  -  Simler.  Vol.  108.)  Clarissimo  viro  D.  Henrico  Bullingero  ecclesiae  Tigurinae  fido  pastori  plurimum  mihi  observando.  Tiguri.  8.  Etsi  D.  Calvinus  ex  animo  tibi  commendat  Pellissariorum1)  causam,  quae  apud  Rhaetos  agitur,  quidque  nunc*  ab  his  postulandum  sit  exponit:  quia  tamen  hominibus  illis  me  privatim  obstrictum  sentio,  nolui  partibus  meis  deesse.  Petunt  igitur,  clarissime  vir,  literas  commendatitias  ab  amplissimo  senatu  vestro  ad  Rhaetos  omnes,  qui  apud  Curienses  conventum  publicum  habituri  sunt  ad  3  Idus  Novembris  proximi,  vel  ad  Martini  festum,  quod  idem  est.  Facile  vero  intelliges  ex  literis  D.  Calvini  rogari  amplissimum  senatum  vestrum,  ut  literis  suis  Rhaetos  hortentur  ad  pergendum  quo  pede  coeperunt,  ut  quam  semel  tuendam  susceperunt  causam  eodem  animo  ad  extremum  usque  perducant.  Et  quoniam  fama  est,  illis  propositum  esse  ut  monachi  posthac  minus  possint  et  valeant  autoritate  in  ipsorum  ditione,  moneant  ut  quam  citissime  fieri  poterit  colluviem  illam  totam  monachorum  et  sacrificorum  a  suis  finibus  arceant,  si  modo  pacatam  in  posterum  cupiant  ditionem  Rhaeticam.  Sed  tu  melius  omnia  pro  tua  prudentia  dispicies.  Unum  vero  superest,  quod  abs  te  peto,  nempe  ut  tu  sigillatim  ad  clarissimum  praefectum  Curiensem  de  hoc  negotio  scribas,  ac  vehementer  illi  commendes.  Nam  audio  illum  hominem  tibi  et  amicum  esse  et  in  tuam  gratiam  quidquid  licebit  facturum.  Itaque,  vir  clarissime,  etiam  atque  etiam  te  rogo,  ut  qua  soles  humanitate  et  diligentia  hanc  PeUissariorum  causam  suscipias  et  tuearis.  Quod  certe  facies,  si  quas  dixi  literas  a  senatu  impetres,  et  ad  praefectum  illum  ipse  scribas.  Nos  autem,  si  quid  iusseris,  libenter  confidemus.  Vale,  vir  clarissime.  Tui  omnes  te  salutant  reverenter  ac  nominatim  Budaeus  frater.  Amicos  omnes,  qui  istic  sunt,  salvos  esse  cupio.  Exspecto  literas  a  D.  Gualthero.  Quid  porro  in  Gallia  geratur  ex  literis  D.  Calvini  accipies.  Dominus  tibi  semper  adsit  ac  te  incolumem  tueatur,  laboribusque  tuis  benedicat.  Genevae  pridie  Calendas  Octobris  1563.  Carolus  Ionvillaeus  tui  observantissimus.  4030.1)  Cf.  N.  3921.  Gahffe  not  gen.  III.  364:  Le  principal  domicile  des  Pellissari  etoit  a  Chiavennes  au  pays  desGrisons;  mais  il  y  en  avoit  dans  toute  la  Lombardie.  Un  Bernardin  P.  de  Vicence  fut  recu  habitant  de  Geneve  en  1556.  De  negotio  ipso  h.  L  metnorato  accuratior  a  non  habemus,  praeter  ea  quae  praebet  sequens.