9:163  163  ULTIMA  ADMONITIO  164  gurgitatio.  Quid  Augustinus?  corpus  sacramento  tenus  comedi  docet  dum  re  ipsa  non  comeditur.  Duobus  enim  locis  haec  antithesis  legitur  apud  eum  expressa.  Unde  certo  colligitur  sacramentalem  usum  tantundem  valere  atque  visibilem  vel  externum,  ubi  veritati  aditum  claudit  hominum  incredulitas.  Itaque  calumniose  insimulat  Westphalus  nostram  de  spirituali  manducatione  doctrinam,  quasi  fallaci  praetextu  veram  communicationem  tollat,  quae  in  coena  percipitur.  Nam  si  ab  esu  sacramentali  separandus  est  spiritualis,  quid  hoc  sibi  vult  Augustini  dictum:1)  Non  hoc  corpus  quod  videtis  manducaturi  [pag.  66]  estis,  et  bibituri  sanguinem,  quem  fundent  qui  me  crucifigent:  sacramentum  aliquod  commendavi  vobis,  spiritualiter  intellectum  vivificabit  vos.  Iam  si  in  coena  praeter  inane  vacuumque  signum  nihil  relinqui  constat,  ubi  non  spiritualiter  editur  corpus,  et  ex  verbis  Christi  colligimus  spiritualem  esse  esum,  ubi  fides  mysticae  et  spirituali  doctrinae  respondet,  non  est  quod  res  individuas  divellere  tentet  Westphalus.  Idem,  fateor,  Christi  corpus  quod  in  sacrificium  Christus  in  cruce  obtulit,  manducari  certum  est,  quia  neque  bicorporem  fingimus  Christum,  neque  aliunde  quam  ex  victima  illa  alimentum  ad  spiritualem  vitam  petendum  est.  Quomodo  idem  esse  corpus  Augustinus  negat,  nisi  quia  in  coelestem  gloriam  receptum  arcana  spiritus  virtute  vitam  nobis  inspirat?  Diversus  ergo  edendi  modus  notatur:  quia  licet  integrum  maneat  in  coelo  Christi  corpus,  mirabili  tamen  et  coelesti  virtute  nos  vivificat.  Denique  non  alia  de  causa  negat  [pag.  67]  Augustinus  dari  in  coena  corpus  illud,  quod  videbant  discipuli,  nisi  ut  sciamus  minime  carnalem  esse  communicationis  modum  :  sed  in  mysterio  nos  fieri  carnis  et  sanguinis  participes,  ut  gratiam  illam  morsus  nostri  non  consumant,  ut  alibi  loquitur.  Ideoque  tergiversando  nihil  proficit  Westphalus.  In  manifesta  etiam  calumnia  deprehenditur,  locum  hunc  a  nobis  torqueri  insimulans,  ut  nihil  nobis  coena  afferat  praeter  inanem  figuram.  Sed  vocem:  spiritualiter,  quomodo  excusat  Westphalus?  ratione  fidei,  inquit.  Si  ita  est,  quomodo  absque  fide  manducari  garrit?  Nam  ut  in  crasso  suo  commento  nihil  esse  carnale  probet,  negat  carnaliter  manducari  Christum,  nisi  in  frusta  concisus  instar  cadaveris  dentibus  palam  teratur.  Ubi  autem  invisibiliter  deglutiendum  porrigitur  eius  corpus,  spiritualiter  comedi,  quia  fide  percipitur.  Quo  magis  hoc  laqueo  se  expedire  tentabit,  Be  fortius  [pag.  68]  constringet:  profanos  homines,  qui  solo  carnis  sensu  praediti,  ad  Christi  mensam  temere  indigneque  irrumpunt,  spiritualiter  edere  absque  fide,  quod  fidei  respectu  fieri  necesse  est.  Neque  tamen  interea  concedo  quod  ipse  non  nisi  sua  1)  In  Psal.  98.