7:163  163  CONTRE  LA  SECTE  104  par  necessite.  Si  du  premier  coup  i'eusse  este  si  bouillant  que  d'escrire  contre  eux,  combien  que  ie  n'eusse  fait  que  mon  devoir,  toutesfois  quelque  chagrin  *)  eust  possible  eu  couleur  de  m'arguer  de  trop  grande  hastivite.  Maintenant,  puis  que,  apres  avoir  si  long  temps  attendu,  il  ne  me  reste  autre  remede:  si  quelqu'un  s'en  mescontente,  comment'se  pourra  il  purger  qu'on  n'ait  ceste  souspecon  sur  luy,  qu'il  est  de  leurs  complices?2)  Plustost  quiconque  a  une  goutte  de  vray  zele,  devroit  tascher  a  ce  qu'ilz  fussent  congneuz  de  petis  et  de  grans:  et  tous  iusqu'aux  .  petis  enfans,  [page  33]  devroyent,  en  signe  d'abomination,  cracher,")  les  voyans  passer  par  les  rues,  pour  faire  honte  a  ceux  qui,  en  les  maintenant,  ont  este  cause  de  la  perdition  de  dix  mille  ames,  outre  le  scandale  et  recullement  qui  en  est  venu  a  l'Evangile,  et  pourra  venir  beaucoup  plus  grand,  si  Dieu  par  sa  bonte  infinie  n'y  prouvoit.  Quant  est  du  blasme  qui  leur  en  peut  venir,  me  dois  ie  soucier  de  garder  l'honneur  de  ceux  qui  mettent  le  sacre  nom  de  Dieu  et  sa  parolle  en  plus  grand  opprobre,  que  ne  fut  iamais  idole,  depuis  le  commencement  du  monde?  Avec  tout  cela  il  y  a  encor  une  raison  plus  urgente,  qui  me  poulse  a  ce  faire.  Car  a  ce  que  i'ay  peu  appercevoir,  ces  canailles  ont  ceste  astuce,  de  s'insinuer  soubz  ombre  du  nom  des  serviteurs  de  Dieu,  pour  abuser  les  simples.  Comme  il  y  a  environ  deux  ans,  que  Messire  Antoine  Pocque,  ayant  demoure  en  ceste  ville  quelque  temps,  et  ayant  dissimule  sa  meschante  doctrine,  practicquoit  au  partir,  et  solicitoit  par  subtil  moyen,  d'avoir  tesmoignage  [page  34]  de  moy:  a  fin  de  s'en  ayder  envers  ceux,  qui  me  deferent  quelque  auctorite:  comme  si  i'approuvoye  ses  erreurs  Diaboliques,  Or  n'avoit  il  pas  si  bien  ioue  son  personnaige,  que  pour  le  moins  ie  ne  l'eusse  congneu  pour  un  resveur  et  phantastique,4)  comme  ie  luy  remonstray  en  nostre  congregation:5)  ia  soit  que  ie  ne  sceusse  pas  sa  meschancete,  comme  depuis  i'ay  este  bien  informe  qu'il  venoit  des  pays  d'Artois  et  de  Hannaut  pour  semer  la  sa  poison.  Quand  il  vit  qu'il  ne  pouvoit  rien  tirer  de  moy,  il  m'allegua  que  nostre  frere  Martin  Bucer,  duquel  le  nom  doit  estre  honorable  en  toute  la  Chrestiente,  luy  avoit  bien  accorde  ce  que  ie  luy  refusoye.  Dont  il  appert  qu'en  cachant  son  venin  il  avoit  abuse  ce  bon  serviteur  de  Dieu,  pour  se  servir  puis  apres  de  son  credit,  a  faulses  enseignes,  a  fin  d'avoir  entree  a  ceux  qui  1)  morosus  aliquis.  2)  conscius  ac  fautor.  3)  conspuere  in  faciem,  4)  pro  dehro  et  fanatico.  5)  On  designait  ainsi  les  reumons  hebdomadaires  des  pasteurs  et  laiques,  dans  lesquelles  on  discutait  des  passages  de  V  Ecriture  et  des  questions  ecclesiastique*.