56:163  163  LEVITIQUE.  164  i'offerte  qui  est  demeuree  des  sacrifices  de  l'Eternel  faits  par  feu,  et  la  mangez  sans  levain  aupres  de  l'autel,  car  c'est  chose  tressaincte.  13.  Vous  la  mangerez  au  lieu  sainct:  car  c'est  ordonnance  a  toy  et  a  tes  fils  du  sacrifice  fait  par  feu  a  l'Eternel  :  pourtant  qu'il  m'est  ainsi  commande.  14.  Si  mangerez  la  poitrine  et  l'espaule  d'eslevation  en  lieu  net,  toy  et  tes  fils,  et  tes  filles  avecques  toy:  car  c'est  ordonnance  a  toy  et  a  tes  file,  donnee  des  sacrifices  de  prosperitez  des  enfans  d'Israel.  15.  Ils  offriront  l'espaule,  et  la  poitrine  d'eslevation  avec  le  sacrifice  fait  par  feu  des  graisses,  en  Peslevant  devant  l'Eternel:  et  ce  te  sera  et  a  tes  fils  en  ordonnance  perpetuelle,  comme  l'Eternel  l'a  commande.  16.  Or  Moyse  cerchoit  le  bouc  de  l'oblation  pour  le  peche,  et  voici,  il  estoit  brusle:  dont  il  fut  courrouce  contre  Eleazar  et  Ithamar  les  fils  d'Aaron,  qui  estoyent  demeurez,  disant,  17.  Pour  quelle  raison  n'avez  vous  point  mange  l'oblation  du  peche  au  lieu  sainct?  car  c'est  chose  tressaincte,  si  vous  est  donnee  pour  porter  l'iniquite  de  l'assemblee,  afin  de  les  reconcilier  devant  l'Eternel.  18.  Voici,  son  sang  n'a  point  este  porte  dedans  le  Sanctuaire:  et  vous  la  deviez  manger  au  sanctuaire,  comme  ie  I'avoye  commande.  19.  Lors  Aaron  respondit  a  Moyse,  Voici,  auiourd'huy  iis  ont  offert  leur  oblation  pour  le  peche,  et  leur  holocauste  devant  l'Eternel:  et  telle  chose  m'est  advenue,  et  si  i'eusse  mange  auiourd'huy  l'oblation  pour  le  peche,  eust-il  pleu  a  l'Eternel?  20.  Quand  Moyse  eust  ouy  cela,  il  luy  pleut.  Chapitre  XI.  1.  Puis  l'Eternel  parla  a  Moyse  et  a  Aaron,  leur  disant,  2.  Parlez  aux  enfans  d'Israel,  et  leur  dites,  Ceci  sont  tous  les  animaux  que  vous  mangerez  d'entre  toutes  les  bestes  qui  sont  sur  la  terre.  3.  Vous  mangerez  de  tout  ce  qui  a  l'ongle  divise,  et  a  sente  aux  ongles,  et  rumine  d'entre  les  bestes.  4.  Toutesfois  vous  ne  mangerez  point  ceux  qui  ruminent,  ou  qui  ont  l'ongle  divise  seulement:  comme  le  chameau,  car  il  rumine,  mais  il  n'a  point  l'ongle  divise,  dont  iceluy  vous  est  souille.  5.  Item,  le  connil:  car  il  rumine,  mais  il  ne  divise  point  l'ongle:  dont  iceluy  vous  est  souille.  6.  Item,  le  lievre:  car  il  rumine  mais  il  ne  divise  point  l'ongle:  dont  iceluy  vous  est  souille.  7.  Item,  le  pourceau:  car  il  a  l'ongle  divise,  et  Tongle  fendu,  et  ne  rumine  point:  dont  iceluy  vous  est  souille.  8.  Vous  ne  mangerez  point  de  leur  chair,  et  ne  toucherez  point  a  leur  charongne:  car  elles  vous  sont  souillees.  9.  Vous  mangerez  ce  qui  s'ensuit  de  tout  ce  qui  est  es  eaux.  Vous  mangerez  tout  ce  qui  a  nageoires  et  C8cailles  es  eaux,  tant  en  la  mer  qu'es  fieuves.  10.  Mais  vous  ne  mangerez  point  de  tout  ce  qui  n'a  nulles  nageoires  et  escailles.  soit  en  la  mer  ou