55:163  163  CAPUT  XI.  164  dicem  profiteretur.  Omnibus  tamen  expensis,  ad  secundum  exitum  referre  malo.  Tunc  enim  intrepide  regis  ferociam  despexit,  tanta  spiritus  Dei  virtute  armatus,  ut  furiosam  illam  bestiam  ultro  subinde  lacesseret.  Haec  certe  mira  fuit  vis  fidei,  quod  imbellem  multitudinem  secum  trahens  ac  multis  impedimentis  onustam,  iter  sibi  per  innumeras  difficultates,  Dei  manu  patefactum  iri  speravit.  Videbat  potentissimum  regem  impotenter  furere:  sciebatque  finem  non  facturum  donec  extrema  quaeque  tentasset.  Terum  quia  autorem  suae  profectionis  Deum  esse  novit  eventum  illi  commendat,  nec  dubitat  quin  omnes  Aegyptiorum  impetus  in  tempore  cohibiturus  sit.  Quasi  enim  invisibilem.  Imo  Deum  viderat  in  medio  rubi  ardentis:  quare  improprie  hoc  videtur  dici,  et  parum  apte  ad  causam  praesentem.  Fateor  sane,  visione  illa  confirmatum  prius  fuisse  Mosen,  quam  praeclarum  illud  liberandi  populi  facinus  aggrederetur.  Sed  nego  talem  fuisse  Dei  conspectum,  qui  eum  exueret  sensu  carnis,  et  extra  mundi  pericula  educeret.  Signum  duntaxat  quoddam  praesentiae  suae  tunc  illi  Deus  ostendit:  sed  multum  abfuit  quin  Deum  qualis  est,  videret.  Apostolus  autem  intelligit  non  secus  obduruisse  Mosen,  quam  si  in  coelum  raptus  Deum  solum  haberet  ante  oculos,  negotium  vero  cum  hominibus  non  haberet,  non  subiiceretur  huius  vitae  periculis,  nullum  cum  Pharaone  haberet  certamen.  Atqui  certum  est,  eum  tot  difficultatibus  fuisse  obrutum,  ut  posset  animo  interdum  concipere  Deum  procul  abesse:  aut  certe  superiorem  tandem  fore  regis  contumaciam,  tot  praesidiis  instructam  ad  resistendum.  Denique  ita  se  Deus  Mosi  videndum  praebuerat,  ut  fidei  tamen  locum  reliquerat:  at  Moses  quum  undique  multi  terrores  instarent,  omnes  in  Deum  sensus  suos  convertit.  Adiutus  quidem  fuit  ad  eam  rem  visione  illa  quam  diximus:  sed  tamen  plus  in  Deo  vidit,  quam  ferebat  signum  illud  visibile.  Potentiam  enim  eius  apprehendit,  quae  metus  omnes  omniaque  discrimina  absorberet.  Promissione  fretus  certo  statuit  populum,  tametsi  Aegyptiorum  tyrannide  premebatur,  iam  terrae  promissae  esse  dominum.  Hinc  colligimus,  veram  fidei  naturam  esse,  Deum  semper  habere  prae  oculis.  Secundo,  fidem  altiora  et  magis  recondita  in  Deo  intueri,  quam  quae  sub  sensus  nostros  cadant.  Tertio,  solum  Dei  conspectum  sufficere  ad  mollitiem  nostram  corrigendam:  ut  simus  contra  omnes  Satanae  insultus  plusquam  saxei.  Unde  sequitur,  quo  quisque  mollior  est  ac  minus  virili  animo,  eo  minus  habere  fidei.  28.  Fide  fecit  pascha  et  adspersionem  sanguinis,  ut  qui  perdebat  primogenita,  non  tangeret  eos.  29.  Fide  transierunt  mare  rubrum  quasi  per  terram  siccam:  quod  quum  tentassent  Aegyptii,  absorpti  sunt  30.  Fide