52:163  163  BPJST.  PAULI  AD  THESSALONICENSES  I  164  9.  De  fraterno  autem.  Quum  prius  magnifice  extulerit  eorum  caritatem:  nunc  occupatione  utitur,  dicens,  Non  opus  h  a  b  e  t  i  s  ut  s  c  r  i  b  am  vobis.  Beddit  causam,  quia  d  i  v  i  n  i  t  u  s  edocti  sint:  quo  significat  insculptam  esse  eorum  cordibus  caritatem,  ut  supervacuae  sint  literae  in  charta  scriptae.  Neque  enim  tantum  intelligit  quod  Iohannes  in  sua  canonica  (2,  27),  Unctio  docebit  vos:  sed  formata  esse  eorum  corda  ad  caritatem,  ut  appareat  spiritum  sanctum  intus  dictare  cum  effectu  quid  agendum  sit,  ut  scripto  praecipere  non  sit  opus.  Subiicit  argumentum  a  maiore  ad  minus:  nam  quum  eorum  caritas  per  totam  Macedoniam  se  diffundat,  colligit  non  esse  dubitandum  quin  ipsi  mutuo  inter  se  ament.  Quare  particula  e  t  e  n  im  valet  quin  etiam,  vel  imo:  augendi  enim  causa  (ut  dixi)  eam  addidit.  10.  Hortamur  autem.  Quamquam  satis  voluntarios  esse  testatur  ad  omnia  caritatis  officia:  non  tamen  desinit  hortari  ut  proficiant:  quia  nihil  in  hominibus  perfectum.  Et  certe  quod  optimum  in  nobis  apparet,  optandum  est  ut  sit  melius.  Verbum  cpiXoTciieicrfrai  alii  sequentibus  coniungunt,  ac  si  iuberet  eos  eniti  ad  colendam  quietem:  sed  aptius  cum  priore  verbo  cohaeret.  Postquam  enim  admonuit  ut  crescant  in  caritate,  sanctam  aemulationem  illis  commendat,  ut  mutuo  inter  se  amore  certent:  vel  certe  praecipit  ut  seipsum  unusquisque  vincere  contendat:  atque  hoc  posterius  magis  amplector.  Ergo  ut  perfecta  sit  eorum  caritas,  contentionem  in  illis  requirit,  qualis  esse  in  iis  solet  qui  ad  victoriam  cupide  aspirant.  Haec  optima  est  aemulatio,  quum  singuli  benefaciendo  seipsos  vincere  conantur.  Cur  eorum  sententiae  non  subscribam,  qui  exponunt,  enitamini  quietem  agere  :  haec  una  ratio  satis  valida  mihi  esse  videtur,  quod  Paulus  non  posuisset  in  re  minus  difficili  tam  arduum  certamen:  quod  ad  profectum  caritatis  optime  congruit,  ubi  tot  obstacula  se  ingerunt.  Neque  etiam  displicet  altera  verbi  significatio,  ut  sint  in  commune  liberales.  11.  Colatis  quietem.  Iam  dixi  hoc  membrum  separandum  esse  a  prioribus:  nam  haec  nova  sententia  est.  Quiescere  autem  hoc  loco  significat  placide  et  sine  tumultu  agere:  quemadmodum  etiam  gallice  loquimur,  sans  bruit.  In  summa,  iubet  eos  pacatos  esse  et  tranquillos:  huc  pertinet  quod  continuo  post  adiungit,  et  a  g  a  t  i  s  res  vestras.  Videre  enim  est  eos,  qui  se  in  aliena  negotia  importune  ingerunt,  multum  tumultuari,  sibique  et  aliis  molestos  esse.  Haec  igitur  optima  tranquillae  vitae  ratio,  dum  unusquisque  vocationis  suae  officiis  intentus,  exsequitur  quae  sibi  a  Domino  mandata  sunt,  et  in  iis  se  occupat:  dum  agricola  se  in  operibus  rusticis  exercet,  opifex  artem  suam  tractat:  atque  ita  singuli  intra  proprios  fines  se  continent.  Simulatque  hinc  deflectunt  homines,  omnia  incomposita  sunt  ac  turbulenta.  Caeterum  non  ita  vult