51:163  163  EPIST.  PAULI  AD  EPHESIOS  164  esse,  non  origine,  sed  imitatione.  Sed  Paulus  nos  cum  peccato  gigni  testatur,  quemadmodum  serpentes  suum  venenum  ex  utero  afferunt.  Alii,  dum  vere  peccatum  esse  negant,  non  minus  repugnant  Pauli  verbis.  Nam  ubi  damnatio,  illic  certe  peccatum  esse  oportet:  quia  Deus  non  innoxiis  hominibus,  sed  peccato  irascitur.  Nec  mirum  est,  pravitatem,  quae  nobis  a  parentibus  est  ingenita,  peccatum  coram  Deo  censeri:  quia  semen,  quod  adhuc  latet,  ipse  cernit  ac  iudicat.  Una  tamen  quaestio  hic  occurrit,  cur  Paulus  Iudaeos  irae  et  maledictioni  subiiciat  ut  reliquos:  quum  tamen  essent  semen  benedictum.  Respondeo,  naturam  esse  communem:  Iudaeos  tantum  in  hoc  differre  a  gentibus,  quod  Deus  eos,  promissionis  gratia,  ab  exitio  liberat.  Sed  illud  est  superveniens  remedium.  Altera  quaestio,  quum  Deus  sit  autor  naturae:  qui  fiat  ut  sit  extra  culpam,  si  natura  simus  perditi.  Respondeo,  duplicem  esse  naturam  :  prior  a  Deo  est  condita,  altera  est  illius  corruptio.  Haec  igitur  damnatio  cuius  meminit  Paulus,  nequaquam  a  Deo  manat,  sed  a  depravata  natura:  quia  nunc  non  nascimur,  qualis  initio  creatus  fuit  Adam,  sed  ex  degenere  et  vitioso  homine  adulterinum  semen.  4.  Deus  autem,  qui  dives  est  in  misericordia,  propter  multam  suam  dilectionem,  qua  nos  dilexit,  5.  etiam  quum  essemus  mortui  peccatis,  convivificavit  cum  Christo  {gratia  estis  salvati).  6.  Et  simul  excitavit,  et  sedere  fecit  in  coelestibus  in  Christo  Iesu,  7.  ut  demonstraret  in  saeculis  supervenientibus  exsuperantes  divitias  gratiae  suae,  in  benignitate  erga  nos  in  Christo  Iesu.  4.  Deus  autem.  Sequitur  iam  secundum  membrum,  cuius  summa  est,  Deum  Ephesios  ab  exitio,  cui  prorsus  addicti  erant,  liberasse.  Sed  aliis  verbis  utitur.  Deus,  qui  dives  est  in  misericordia,  inquit,  vos  cum  Christo  vivificavit.  Significat  non  aliam  esse  vitam  animae  quam  quae  a  Christo  nobis  inspiratur.  Quare  tunc  incipimus  vivere,  quum  in  ipsum  inserimur,  ut  fruamur  communi  vita.  Unde  colligimus  quid  ante  intellexerit  per  mortem.  Mors  enim  illa  et  haec  resurrectio  res  sunt  inter  se  oppositae.  Hoc  porro  incomparabile  beneficium  est,  vitae  filii  Dei  nos  fieri  participes,  ut  uno  simul  spiritu  vegetentur.  Ideoque  hac  in  parte  extollit  Dei  misericordiam,  cuius  divitias  praedicans,  liberaliter  et  magnifice  fuisse  effusam  intelligit.  Tametsi  autem  his  verbis  totam  salutem  nostram  Dei  misericordiae  adscribit,  expressius  tamen  continuo  post  causam  in  gratuita  bonitate  locat,  ubi  dicit,  hoc  factum  esse  propter  multam  dilectionem:  Nam  hac  sola  consideratione  motum  fuisse  Deum,  significat.  Quemadmodum  et  Iohannes  dicit  (1  Ep.  4,  10).  Non  quia  priores  dilexerimus  eum,  sed  ipse  prior  dilexit