42:163  163  SERMON  XLVII.  164  assavoir  que  celuy  qui  parle  n'estoit  pas  un  ange  commun,  car  il  dit,  monseigneur,  or  il  n'useroit  point  de  ce  langage  ici  envers  un  ange,  il  faut  donc  conclurre  que  c'est  le  fils  de  Dieu  qui  s'est  monstre  alors  en  figure  d'homme,  comme  desia  il  ha  este  traitte  plus  amplement.  Or  voions  maintenant  la  responce  qui  ha  este  donnee  a  Daniel:  Va  Daniel,  cette  prophetie  est  cachee,  et  cachetee  iusques  a  la  fin  des  iours.  En  premier  lieu  nostre  Seigneur  Iesus  Christ  declare  que  cette  prophetie  ne  pouvoit  pas  estre  entendue  pleinement  de  Daniel,  ne  d'aucun  des  hommes  vivans  de  ce  temps-la.  Et  pourquoy?  Car  ceci  estoit  cache  et  cachete  iusques  au  temps  defini,  il  semble  tousiours  qu'on  puisse  retourner  a  cette  question  que  i'ai  desia  deduite  par  ci  devant,  car  pourquoy  est-ce  que  Dieu  ha  donne  cette  prophetie,  sinon  qu'il  voulust  qu'elle  fust  entendue,  et  qu'elle  profitast,  car  dequoy  sert  la  parole  de  Dieu?  Elle  est  utile  (dit  sainct  Paul)  et  faut  qu'elle  serve  a  edification.  Or  il  est  dit  qu'elle  est  cachee  et  cachetee,  ce  n'est  pas  pour  en  recevoir  l'utilite,  ce  n'est  pas  que  les  fideles  en  puissent  estre  edifies.  Or  i'ai  desia  declare,  que  les  Peres  qui  ont  vescu  de  ce  temps  la,  ignorans  quelque  chose  n'ont  pas  ignore  le  tout,  Daniel  ha  bien  eu  quelque  goust  de  ce  qui  luy  estoit  monstre,  mais  cependant  il  ha  falu  que  beaucoup  de  choses  luy  fussent  cachees,  et  voila  comme  il  nous  faut  exposer  ce  passage,  car  les  fideles  lisoient  ce  qui  avoit  este  escrit  par  Daniel,  et  le  lisoient  sachans  bien  que  Dieu  les  avoit  voulu  consoler,  ils  recevoient  donc  cette  consolation  la,  qui  leur  estoit  donnee,  sachans  que  toutes  ces  tribulations  adviennent  par  la  main  de  Dieu,  sachans  qu'il  n'avoit  point  mis  son  Eglise  en  oubli,  et  puis  ils  regardoient  a  l'esperance  qui  leur  estoit  donnee,  et  a  fin  qu'ils  ne  pensassent  point  estre  eschappes  du  premier  ooup,  qu'ils  regardassent  que  l'Eglise  seroit  suiette  aux  combats  iusques  en  la  fin  du  monde,  mais  qu'apres  cela  il  y  auroit  un  repos,  et  une  vie  meilleure.  Les  fideles  donc  entendoient  bien  cela,  en  somme  et  en  general,  mais  il  y  avoit  beaucoup  de  circonstances  qui  leur  estoient  cachees:  voila  donc  ce  que  nostre  Seigneur  Iesus  ha  entendu,  disant  qu'il  faloit  que  cette  prophetie  fust  cachee  et  cachetee.  Or  cependant  notons  aussi  quand  Dieu  ha  parle  par  ses  prophetes,  que  cela  ha  este  sur  tout  pour  servir  a  nostre  temps,  comme  aussi  sainct  Pierre  en  parle,  et  c'est  un  passage  qui  nous  doit  bien  inciter  a  estre  tant  plus  attentifs  a  lire  l'escriture  saincte,  et  sur  tout  a  lire  l'ancien  testament,  pour  en  faire  comparaison  avec  le  nouveau.  Il  y  aura  de  ces  canailles  qui  diront,  qu'auiourd'huy  le  vieil  testament  ne  nous  est  plus  rien,  qu'il  est  superflu,  et  qu'il  nous  suffist  d'avoir  l'Evangile:  or  quand  il